തിരുവനന്തപുരം: നിരപരാധിയായ തന്നെ പൊലിസ് കള്ളക്കേസില്‍ കുടുക്കിയതാണെന്ന് എകെജി സെന്റര്‍ ആക്രമണ കേസിലെ പ്രതി ജിതിന്‍. ജാമ്യം ലഭിച്ച് ജയില്‍ മോചിതനായ ശേഷമായിരുന്നു ജിതിന്റെ പ്രതികരണം.

ഇതിനെതിരെ മാനനഷ്ട കേസ് നല്‍കുമെന്നും സര്‍ക്കാരും പൊലിസും ചേര്‍ന്ന് നടത്തിയ ഗൂഢാലോചനയുടെ ഭാഗമായാണ് കേസില്‍ കുടുക്കിയതെന്നും കഞ്ചാവ് കേസില്‍ കുടുക്കുമെന്ന് പൊലീസ് ഭീഷണിപ്പെടുത്തിയതായും ജിതിന്‍ ആരോപിച്ചു. പൊലീസ് പറയുന്ന സമയത്ത് ഗൌരിശരപട്ടത്ത് ഊബര്‍ ഓടുകയായിരുന്നു. വൈകിട്ട് 5 മണിവരെ കെഎസ്ഇബിക്കായി ഓടുന്ന വണ്ടി വൈകിട്ട് ഊബര്‍ ഓടിക്കുന്നതാണ്.

സ്‌കൂട്ടിയെ കുറിച്ച് അറിവില്ല. അതിന്റെ വിവരങ്ങളും തെളിവുകളുമുണ്ട്. ഫേസ് ബുക്കിലും ഇന്‍സ്റ്റഗ്രാമിലുമുള്ള ഫോട്ടോകളാണ് ടീഷര്‍ട്ട് തെളിവെന്ന് സ്ഥാപിക്കാന്‍ അന്വേഷണ സംഘം ഉപയോഗിച്ചതെന്നും ജിതിന്‍ വിശദീകരിച്ചു.