റിയാദ്: സഊദിയിലെ അല്‍ ബാഹ വിമാനത്താവളത്തില്‍ സുഡാന്റെ ചെറുവിമാനം ഇടിച്ചിറക്കി. 12 പേര്‍ക് യാത്ര ചെയ്യാവുന്ന റഷ്യന്‍ നിര്‍മിത ആന്റനോവ് 12 ഇനത്തില്‍ പെട്ട വിമാനമാണ് സാങ്കേതിക തകരാറിനെ തുടര്‍ന്ന് ഇടിച്ചിറക്കേണ്ടി വന്നത്.

സാങ്കേതിക തകരാറിനെ തുടര്‍ന്ന് അടുത്തുള്ള വിമാനത്താവളത്തില്‍ ഇറക്കാന്‍ പൈലറ്റ് അനുമതി തേടുകയായിരുന്നു. വിമാനത്തിന്റെ എഞ്ചിനില്‍ കണ്ടെത്തിയ സാങ്കേതിക തരാറായിരുന്നു അടിയന്തിര ലാന്റിങിന് അനുമതി തേടാന്‍ കാരണം.

പത്ത് യാത്രികരും ഉദ്യോഗസ്ഥരുമടങ്ങുന്ന സംഘം സുരക്ഷിതരാണ്. ഇടിച്ചിറക്കിയതിനെ തുടര്‍ന്ന് വിമാനത്തിന്റെ ടയറുകള്‍ നിലത്തുരഞ്ഞ് പൂര്‍ണ്ണമായും നശിച്ചു. സംഭവത്തെ തുടര്‍ന്ന് വിമാനത്താവളം നാലു മണിക്കൂറോളം അടച്ചിടുകയും വിമാനങ്ങള്‍ തൊട്ടടുത്ത താവളങ്ങളിലേക്ക് തിരിച്ചുവിടുകയും ചെയതു.