കാബൂള്‍: അഫ്ഗാന്‍ സുരക്ഷാ സേനയ്‌ക്കെതിരായ താലിബാന്‍ ആക്രമണം തുടരുന്നു. കഴിഞ്ഞ അഞ്ചു ദിവസത്തിനിടെ ഏഴ് പ്രവിശ്യകളാണ് താലിബാന്‍ പിടിച്ചെടുത്തത്. തെക്ക്പടിഞ്ഞാറന്‍ അഫ്ഗാനിസ്ഥാനിലെ ഫറാഹ് പ്രവിശ്യയാണ് ഇന്ന് പിടിച്ചടക്കിയത്.

അതേസമയം, താലിബാനെ പ്രതിരോധിക്കാന്‍ ഇന്ത്യന്‍ വ്യോമസേനയുടെ സഹായം തേടി അഫ്ഗാന്‍ സര്‍ക്കാര്‍. യു.എസ് സേന ഈമാസം അവസാനത്തോടെ പൂര്‍ണമായി പിന്‍മാറുന്നതോടെ ഇന്ത്യന്‍ വ്യോമസേന രാജ്യത്തെത്തി വ്യോമസേനയ്ക്ക് കരുത്തുപകരണമെന്നാണ് അഫ്ഗാന്‍ ആവശ്യപ്പെട്ടതെന്ന് ദ പ്രിന്റ് റിപ്പോര്‍ട്ട് ചെയ്തു.