തൊടുപുഴ: തൊടുപുഴ ജനമൈത്രി  പൊലിസിന്റെ നേതൃത്വത്തില്‍ 'ശുഭയാത്ര' പദ്ധതിയുടെ ഭാഗമായി  കെഎസ്ആര്‍ടിസി, സ്വകാര്യബസ്, സ്‌കൂള്‍, കോളജ് ബസുകള്‍,  ഓട്ടോറിക്ഷ, ഷീ ഓട്ടോറിക്ഷ  ഡ്രൈവര്‍മാര്‍ക്കായി തൊടുപുഴ  മുനിസിപ്പല്‍ ടൗണ്‍ഹാളില്‍ ബോധവല്‍ക്കരണക്ലാസ് സംഘടിപ്പിച്ചു.
തൊടുപുഴ  മുനിസിപ്പല്‍ വൈസ് ചെയര്‍മാന്‍ ടി കെ സുധാകരന്‍ നായര്‍ ഉദ്ഘാടനം  നിര്‍വഹിച്ചു. തൊടുപുഴ ഡിവൈഎസ്പി എന്‍ എന്‍ പ്രസാദ് മുഖ്യപ്രഭാഷണം  നടത്തി. റിട്ട. ജോയിന്റ് ആര്‍ടിഒ  സി എസ് ഡേവിഡ് ക്ലാസെടുത്തു.  പൊലിസ് അസോസിയേഷന്‍ ജില്ലാ എക്‌സിക്യൂട്ടിവംഗം സനല്‍ ചക്രപാണി,  ജനമൈത്രി സിആര്‍ഒ എസ് സാജന്‍ എന്നിവര്‍ സംസാരിച്ചു.