ഷിംല: ഹിമാചല്‍പ്രദേശിലെ കിന്നൗറിലുണ്ടായ ഉരുള്‍പൊട്ടലില്‍ നിരവധി പേര്‍ മണ്ണിലടിയിലായതായി സംശയം. മണ്ണിനടിയില്‍ നിന്ന് നിരവധി വാഹനങ്ങള്‍ കണ്ടെത്തിയതോടെയാണ് ആളുകള്‍ അടിയിലായെന്ന സംശയം ശക്തമായത്.

റെക്കോങ് പിയോ- ഷിംല ഹൈവേയില്‍ കിന്നൗരില്‍ ഉച്ചയ്ക്ക് 12.45 ഓടെയാണ് ഉരുള്‍പൊട്ടലുണ്ടായത്. ഒരു ട്രെക്ക്, സംസ്ഥാന സര്‍ക്കാര്‍ ബസ്, മറ്റു വാഹനങ്ങള്‍ മണ്ണിടനടിയിലായെന്നാണ് വിവരം. ബസില്‍ 40 പേര്‍ ഉണ്ടായിരുന്നു.

പ്രദേശത്ത് ഇന്‍ഡോ- ടിബറ്റന്‍ ബോര്‍ഡര്‍ പൊലിസും നാഷണല്‍ ഡിസാസ്റ്റര്‍ റെസ്‌പോണ്‍സ് ഫോഴ്‌സും സ്ഥലത്ത് രക്ഷാപ്രവര്‍ത്തനം തുടരുകയാണ്.