ദുബൈ: യുഎഇയില്‍ ഒക്ടോബര്‍ നാല് മുതല്‍ ഇന്ധനവില വര്‍ധിക്കും. പെട്രോളിന് ലിറ്ററിന് രണ്ട് ഫില്‍സ് മുതല്‍ മൂന്ന് ഫില്‍സ് വരെയും, ഡീസലിന് ലിറ്ററിന് 17 ഫില്‍സ് വരെയുമാണ് വില വര്‍ദ്ധിക്കുക.സൂപ്പര്‍ പെട്രോള്‍, സ്‌പെഷ്യല്‍ പെട്രോള്‍ എന്നിവക്ക് ലിറ്ററിന് രണ്ട് ഫില്‍സാണ് വില വര്‍ദ്ധിക്കുക, മൂന്ന് ഫില്‍സാണ് പ്ലസ് പെട്രോളിന് ഉണ്ടാകുന്ന വില വര്‍ദ്ധന.

മുന്‍പ് മൂന്ന് ദിര്‍ഹം 42 ഫില്‍സ് വിലയുണ്ടായിരുന്ന സൂപ്പര്‍ പെട്രോളിന്റെ വില 3.44 ദിര്‍ഹമായി വര്‍ദ്ധിക്കും.സ്‌പെഷ്യല്‍ പെട്രോളിന് 3 ദിര്‍ഹം 33 ഫില്‍സാണ് പുതിയ വില. ഇ-പ്ലസ് പെട്രോള്‍ സ്വന്തമാക്കാന്‍ ഇനി മുതല്‍ 3 ദിര്‍ഹം 26 ഫില്‍സ് നല്‍കേണ്ടി വരും.മൂന്ന് ദിര്‍ഹം 40 ഫില്‍സായിരുന്ന ഡീസലിന്, 3 ദിര്‍ഹം 57 ഫില്‍സാണ് പുതുക്കിയ വില.

Content Highlights:fuel prices will rise in uae