കാഞ്ഞിരപ്പള്ളി:  കാഞ്ഞിരപ്പള്ളി നൈനാര്‍ പള്ളി കോമ്പൗണ്ടില്‍ പ്രവര്‍ത്തിക്കുന്ന സംസ്ഥാന ന്യൂനപക്ഷക്ഷേമവകുപ്പിന്  കീഴിലുള്ള കോച്ചിങ് സെന്ററിലെ പരിശീലനത്തിലൂടെ കേന്ദ്രസംസ്ഥാന സര്‍ക്കാര്‍ സ്ഥാപനങ്ങളില്‍ നിയമനം ലഭിച്ച പൂര്‍വ്വ വിദ്യാര്‍ഥികളെയും മത്സര പരീക്ഷകളില്‍ ഉന്നത റാങ്ക് നേടിയവരെയും ആദരിക്കും.
നൈനാര്‍ പള്ളി കോമ്പൗണ്ടില്‍ തയ്യാറാക്കുന്ന പവലിയനില്‍ വെള്ളിയാഴ്ച്ച രാവിലെ 10ന് സ്‌നേഹോപഹാരസംഗമത്തിന്റെ ഉദ്ഘാടനം തദ്ദേശ സ്വയംഭരണ ന്യൂനപക്ഷ വകുപ്പ് മന്ത്രി ഡോ.കെ റ്റി ജലീല്‍ നിര്‍വഹിക്കും' എം.എല്‍.എ ഡോ .എന്‍ ജയരാജ് അധ്യക്ഷത വഹിക്കും.
സി.സി.എം.വൈ പ്രിന്‍സിപ്പാള്‍ ഷരീഫാ ബീവി സ്വാഗതം ആശംസിക്കും, എം.പി ആേന്റാ ആന്റണി മുഖ്യ പ്രഭാഷണം നടത്തും. മുന്‍ എം.എല്‍ .എ കെ.ജെ തോമസ് ജേതാക്കള്‍ക്ക് ഉപഹാരങ്ങള്‍ നല്‍കി ആദരിക്കും.
 ന്യൂനപക്ഷ ക്ഷേമ വകുപ്പ് വികസന ധനകാര്യ കോര്‍പ്പറേഷന്‍ ചെയര്‍മാന്‍ പ്രൊഫ.എ.പി അബ്ദുല്‍ വഹാബ് സുവനീര്‍ പ്രകാശനം ചെയ്യും. പത്രസമ്മേളനത്തില്‍ സ്വാഗതസംഘം ഭാരവാഹികളായ ഷെരീഫാ ബീവി, ഷക്കീല നസീര്‍, അഡ്വ.സെബാസ്റ്റ്യന്‍ കുളത്തുങ്കല്‍ ,എം.എ റിബിന്‍ഷാ ,ഷെമീം അഹമ്മദ് എന്നിവര്‍ പങ്കെടുത്തു.