കുറഞ്ഞ ചെലവില്‍ യാത്ര ചെയ്യാനിതാ ഈ അഞ്ച് രാജ്യങ്ങള്‍

ഒരു വിദേശ സാഹസിക യാത്രയില്‍ ഏര്‍പ്പെടണമെന്ന് ആരാണ് സ്വപ്നം കാണാത്തത്, അന്തര്‍ദേശീയ യാത്രകള്‍ പലപ്പോഴും ചെലവേറിയതായി തോന്നുമെങ്കിലും, അതിനായി അധികം പണം ചിലവാക്കേണ്ടതില്ല. 50,000 രൂപയില്‍ താഴെ ചിലവില്‍ നിങ്ങള്‍ക്ക് യാത്ര ചെയ്യാവുന്ന അഞ്ച് രാജ്യങ്ങളെക്കുറിച്ച് മനസിലാക്കാം

വിയറ്റ്‌നാം

വിയറ്റ്‌നാം ചരിത്രത്തിന്റെയും സംസ്‌ക്കാരത്തിന്റെയും പ്രകൃതി വിസ്മയങ്ങളുടെയും കലവറയാണ്. ഹനോയിയിലെ തിരക്കേറിയ തെരുവുകള്‍ ചുറ്റി സഞ്ചരിക്കുക. മനോഹരമായ ഹാലോംഗ് ബേയിലൂടെ യാത്ര ചെയ്യുക, പുരാതന നഗരമായ ഹോയ് ആന്‍ സന്ദര്‍ശിക്കുക. വിയറ്റ്‌നാം താങ്ങാനാവുന്ന താമസസൗകര്യവും സ്വാദിഷ്ടമായ തെരുവ് ഭക്ഷണവും മറക്കാനാവാത്ത അനുഭവങ്ങളും വാഗ്ദാനം ചെയ്യുന്നു.

കംബോഡിയ

പുരാതന നാഗരികതയുടെ മഹത്വത്തിലേക്ക് ഒരു നേര്‍ക്കാഴ്ച്ച പ്രദാനം ചെയ്യുന്ന, ബജറ്റ് യാത്രക്കാരുടെ പറുദീസയാണ് കംബോഡിയ. സീം റീപ്പിലെ വിസ്മയിപ്പിക്കുന്ന അങ്കോര്‍ വാട്ട് ക്ഷേത്രങ്ങള്‍ ചുറ്റിക്കാണുക, സിഹാനൂക്‌വില്ലിലെ ബീച്ചുകളില്‍ വിശ്രമിക്കുക, ഖെമര്‍ പാചകരീതികള്‍ ആസ്വദിക്കുക തുടങ്ങിയവയെല്ലാം കംബോഡിയ വാഗ്ദാനം ചെയ്യുന്നു.

ശ്രീലങ്ക

പ്രധാന ഇന്ത്യന്‍ നഗരങ്ങളില്‍ നിന്ന് ഒരു ചെറിയ വിമാന യാത്ര മതി ശ്രീലങ്കയിലേക്ക്. ബീച്ചുകള്‍, സമൃദ്ധമായ വനങ്ങള്‍, പുരാതന ക്ഷേത്രങ്ങള്‍ എന്നിവയുടെ സമന്വയമാണ് ശ്രീലങ്ക വാഗ്ദാനം ചെയ്യുന്നത്. ചരിത്രപ്രസിദ്ധമായ കാന്‍ഡി നഗരം, എല്ലയിലെ തേയിലത്തോട്ടങ്ങള്‍, മിറിസ്സയിലെ മനോഹരമായ ബീച്ചുകള്‍ എന്നിവയും ഇവിടെ കാണാം.

നേപ്പാള്‍

പ്രകൃതി സ്‌നേഹികള്‍ക്കും സാഹസികത ഇഷ്ടപ്പെടുന്നവര്‍ക്കും നേപ്പാള്‍ ഒരു മികച്ച ലക്ഷ്യസ്ഥാനമാണ്. കാഠ്മണ്ഡുവിലെ തിരക്കേറിയ തെരുവുകള്‍ മുതല്‍ പൊഖാരയിലെ ശാന്തമായ തടാകങ്ങള്‍, അന്നപൂര്‍ണ, എവറസ്റ്റ് ട്രെക്കിംഗ് റൂട്ടുകള്‍ എന്നിവ വരെ നേപ്പാള്‍ നിങ്ങളുടെ ബജറ്റിന് ബുദ്ധിമുട്ട് വരുത്താത്ത അനുഭവങ്ങളുടെ ഒരു നിര തന്നെ നേപ്പാള്‍ വാഗ്ദാനം ചെയ്യുന്നു.

ഭൂട്ടാന്‍

അതിമനോഹരമായ പ്രകൃതിദൃശ്യങ്ങള്‍ക്കും അതുല്യമായ സംസ്‌കാരത്തിനും പേരുകേട്ട ഭൂട്ടാന്‍, ബജറ്റിന് അനുയോജ്യമായ ഒരു അവധിക്കാല യാത്രയ്ക്കുള്ള മികച്ച തിരഞ്ഞെടുപ്പാണ്. പാരോയിലെ ആകര്‍ഷകമായ നഗരം നടന്ന് കാണുക, ടൈഗര്‍സ് നെസ്റ്റ് മൊണാസ്ട്രിയിലേക്ക് കാല്‍നടയാത്ര നടത്തുക, അമിത ചെലവിനെക്കുറിച്ച് ആകുലപ്പെടാതെ ഭൂട്ടാന്റെ സമ്പന്നമായ പൈതൃകത്തില്‍ മുഴുകുക.