റോം: ബുധനാഴ്ച്ചയുണ്ടായ കനത്ത ഭൂചനത്തെ തുടര്‍ന്ന് ഇറ്റലിയില്‍ അടിയന്തരാവസ്ഥ പ്രഖ്യാപിച്ചു. റിക്ടര്‍ സ്‌കെയിലില്‍ 6.2 രേഖപ്പെടുത്തിയ ഭൂചനത്തില്‍ 25 പേരാണ് മരണപ്പെട്ടത്. 365 ഓളം പേര്‍ക്ക് പരുക്കേല്‍ക്കുകയും ചെയ്തിട്ടുണ്ട്.

അതേസമയം 17 മണിക്കൂര്‍ കെട്ടിടാവശിഷ്ടങ്ങള്‍ക്കിടങ്ങിയ കുട്ടിയെ രക്ഷപ്പെടുത്തി. പെസ്‌കാര ഡെല്‍ട്രോണ്‍ടോ നഗരത്തില്‍ നിന്നാണ് കുട്ടിയെ രക്ഷപ്പെടുത്തിയത്.

തകര്‍ന്നടിച്ച പട്ടണങ്ങളിലെ അവശിഷ്ട്ങ്ങള്‍ക്കിടയില്‍ കുടുങ്ങിയവര്‍ക്കായി രക്ഷാപ്രവര്‍ത്തനം ഇപ്പോഴും തുടരുകയാണ്. തുടര്‍ചലനങ്ങള്‍ രക്ഷാപ്രവര്‍ത്തനത്തെ പ്രതികൂലമായി ബാധിക്കുന്നുണ്ട്. പൊലിസും സന്നദ്ധ പ്രവര്‍ത്തകരുമടക്കം അയ്യായിരത്തോളം പേരാണ് രക്ഷാപ്രവര്‍ത്തനം നടത്തുന്നത്.