തിരുവനന്തപുരം: ഒരു ചാനലിനെയും വാര്‍ത്താസമ്മേളനത്തില്‍നിന്ന് വിലക്കിയിട്ടില്ലെന്ന് രാജ്ഭവന്റെ വിശദീകരണം. അഭിമുഖം ചോദിച്ചവരെ ഒരുമിച്ച് ക്ഷണിച്ചതാണെന്നും അത് ചിലര്‍ വാര്‍ത്താസമ്മേളനമായി തെറ്റിദ്ധരിച്ചതാണെന്നുമാണ് രാജ്ഭവന്റെ വിശദീകരണം.

മീഡിയവണ്‍ കൈരളി, റിപ്പോര്‍ട്ടര്‍, ജയ്ഹിന്ദ് ചാനലുകളെയാണ് വൈകീട്ട് നാലിനു നടന്ന ഗവര്‍ണറുടെ വാര്‍ത്താസമ്മേളനത്തില്‍നിന്ന് വിലക്കിയത്. കേഡര്‍ മാധ്യമങ്ങളോട് സംസാരിക്കില്ലെന്ന് ഗവര്‍ണര്‍ രാവിലെ പറഞ്ഞിരുന്നു. രാജ്ഭവനിലേക്ക് അപേക്ഷ അയച്ചാല്‍ പരിശോധിച്ച് തീരുമാനിക്കാമെന്നും അറിയിച്ചു.

അതനുസരിച്ച് എല്ലാ മാധ്യമങ്ങളും രാജ്ഭവനെ സമീപിച്ചെങ്കിലും നാല് ചാനലുകള്‍ക്ക് അനുമതി നിഷേധിക്കുകയായിരുന്നു. വി.സി വിഷയത്തില്‍ പ്രതികരണം ചോദിച്ച മാധ്യമപ്രവര്‍ത്തകരെ ഗവര്‍ണര്‍ ആക്ഷേപിക്കുകയും ചെയ്തു.

കേരളത്തിലേത് കേഡര്‍ മാധ്യമപ്രവര്‍ത്തകരാണെന്നായിരുന്നു ആക്ഷേപം. കേഡര്‍മാരോട് പ്രതികരിക്കില്ല. യഥാര്‍ഥ മാധ്യമപ്രവര്‍ത്തകര്‍ക്ക് രാജ്ഭവനിലേക്ക് അപേക്ഷ അയക്കാമെന്നും പരിശോധിച്ച് അവരോട് പ്രതികരിക്കാമെന്നുമായിരുന്നു ഗവര്‍ണര്‍ പറഞ്ഞത്.

']#KeralaRajBhavan had not "barred any channel from Press Meet" as some reports allege.Mediapersons who requested for interview on 24 Oct were invited at a common time, due to paucity of time. This interaction was misunderstood by some as "Press conference":PRO, KeralaRajBhavan

— Kerala Governor (@KeralaGovernor) October 25, 2022