ചേലക്കര: മാതാപിതാക്കളോടൊപ്പം കോയമ്പത്തൂരില്‍നിന്ന് തൊഴുപ്പാടത്തേക്ക് വിരുന്നെത്തിയ ബാലന്‍ ഭാരതപുഴയില്‍ മുങ്ങിമരിച്ചു. കൊയമ്പത്തൂര്‍ എന്‍.എച്ച് റോഡ് മരക്കടൈ 37/12 മാണിയനോട്ടം നമ്പര്‍ 3ല്‍ മുഹമ്മദ് ഇസ്മയിലിന്റെ മകന്‍ മുഹമ്മദ് ഇയാദ് (8) ആണ് മരിച്ചത്.

ഇന്നലെ ഉച്ചതിരിഞ്ഞാണ് മുഹമ്മദ് ഇയാദും കുടുംബവും പള്ളത്ത് യൂസഫിന്റെ വസതിയിലെത്തിയത്. തുടര്‍ന്ന് ഭാരതപുഴയുടെ തൊഴുപ്പാടം പള്ളികടവില്‍ കുളിക്കാനിറങ്ങുകയായിരുന്നു. നാട്ടുകാര്‍ നടത്തിയ തിരച്ചിലിനൊടുവിലാണ് മൃതദേഹം കണ്ടെത്തിയത്. മാതാവ്: ഫരീദാബാനു.