ന്യൂസ് ക്ലിക്കിനെതിരായ കേസില്‍ കേരളത്തിലും പരിശോധന നടത്തി ഡല്‍ഹി പൊലീസ്

പത്തനംതിട്ട: ന്യൂസ് ക്ലിക്കിനെതിരായ കേസില്‍ കേരളത്തിലും പരിശോധന നടത്തി ഡല്‍ഹി പൊലീസ്. ന്യൂസ് ക്ലിക്ക് മുന്‍ജീവനക്കാരിയായ പത്തനംതിട്ട കൊടുമണ്‍ സ്വദേശി അനുഷ പോളിന്റെ വീട്ടിലാണ് ഡല്‍ഹി പൊലീസ് പരിശോധനക്കെത്തിയത്. മൊബൈല്‍ ഫോണും ലാപ്‌ടോപും പൊലീസ് പിടിച്ചെടുത്തു. സംസ്ഥാന പൊലീസില്‍ നിന്നും ലഭിച്ച വിവരമനുസരിച്ച്, മുന്‍ വീഡിയോഗ്രാഫറാണ് അനുഷ പോള്‍.

അടുത്ത കാലത്താണ് ഇവര്‍ പത്തനംതിട്ടയില്‍ എത്തിയത്. പൊലീസ് മൊബൈല്‍ ഫോണും ലാപ്‌ടോപ്പും പിടിച്ചെടുത്തിട്ടുണ്ട്. ജില്ലാ പൊലീസ് മേധാവിയെ മാത്രം അറിയിച്ചാണ് പ്രത്യേക അന്വേഷണ സംഘം എത്തിയത്. അനുഷയുടെ വിശദമായ മൊഴി രേഖപ്പെടുത്തിയതിന് ശേഷമാണ് പരിശോധനയുടെ ഭാഗമായി മൊബൈലും ലാപ്‌ടോപ്പും പിടിച്ചെടുത്തത്.