ആറ്റിങ്ങല്‍: ആറ്റിങ്ങലില്‍ വനിതാ ഡോക്ടര്‍ക്കു നേരെ ചെരിപ്പേറ്. ആറ്റിങ്ങല്‍ ഗോകുലം മെഡിക്കല്‍ സെന്ററിലാണ് സംഭവം. ഡോക്ടര്‍ ആറ്റിങ്ങല്‍ പൊലിസില്‍ പരാതി നല്‍കി. സംഭവത്തില്‍ രണ്ടുപേര്‍ പിടിയിലായി.

ഡോക്ടര്‍ ജയശാലിനിക്കു നേരെ രണ്ടു പേര്‍ ചെരിപ്പുറയുകയും അസഭ്യം പറയുകയായിരുന്നു. അര്‍ധരാത്രിയില്‍ മുറിവേറ്റ നിലയില്‍ ചികിത്സക്കെത്തിയ രണ്ടുപേരാണ് അക്രമം നടത്തിയത്. എങ്ങിനെ സംഭവിച്ചതാണെന്ന് ചോദിക്കുകയും ചെരിപ്പഴിച്ച് കിടക്കാന്‍ പറയുകയും ചെയ്തതിന് പിന്നാലെയാണ് അക്രമം അഴിച്ചു വിട്ടത്. കൂടാതെ അവര്‍ തനിക്കു നേരെ അസഭ്യം പറഞ്ഞെന്നും ഡോക്ടര്‍ നല്‍കിയ പരാതിയില്‍ പറയുന്നു.

ആലുവ എടത്തലയിലും ഡോക്ടര്‍ക്കു നേരെ അക്രമമുണ്ടായിരുന്നു. ഭാര്യയെ പരിശോധിക്കവെ കുടുംബാംഗങ്ങളുടെ വിവരം അന്വേഷിച്ചതിനാണ് ഇവിടെ ഡോക്ടറെ മര്‍ദ്ദിച്ചത്.