മലപ്പുറം: എസ്.കെ.എസ്.എസ്.എഫ് 35 ആം വാർഷികത്തോടനുബന്ധിച്ച് "അൻത നൂറുൻ ഫൗഖ നൂർ "എന്ന പ്രമേയത്തിൽ എസ്.കെ.എസ്.എസ്.എഫ് ഇസ്തിഖാമ സംസ്ഥാന സമിതി സംഘടിപ്പിച്ച റബീഅ് സെമിനാർ മലപ്പുറം സുന്നി മഹല്ലിൽ വെച്ച് നടന്നു.

രാവിലെ എട്ട് മുതൽ വൈകീട്ട് നാല് വരെ നീണ്ടുനിന്ന പ്രോഗ്രാമിൽ പ്രഥമസൃഷ്ടി മുഹമ്മദീയ പ്രകാശം (ശൗക്കത്ത് ഫൈസി മണ്ണാർക്കാട്),നബിജന്മം തിരുജന്മം (ആസിഫ് ഫൈസി), ഇവർ കണ്ട നബിയും അവർ കണ്ട നബിയും (മുസ്തഫ അഷ്റഫി കക്കുപ്പടി), മഹബ്ബതും ഇത്തിബാഉം : തിരുത്തപ്പേണ്ട ധാരണകൾ (എംടി അബൂബക്ർ ദാരിമി പനങ്ങാങ്ങര),നബിദിനാഘോഷം : ഇമാമുമാരുടെ നിലപാട് (അബ്ദുൽ ഗഫൂർ അൻവരി മുതൂർ),'ഉത്തമ പതിറ്റാണ്ടു'കളിലെ വഹാബീ നബിദിനാഘോഷം (അൻവർ കമാലി ഫൈസി നാട്ടുകൽ),

ബിദ്അത്തുൻ ഹസന ഇസ്‌ലാമികം തന്നെ (എം.ടി അബൂബക്കർ ദാരിമി പനങ്ങാങ്ങര),നബിദിനാഘോഷം ശിയാ നിർമിതിയല്ല (അബ്ദുല്ല മുജ്തബാ ഫൈസി ആനക്കര), മൗലിദ് രചനകൾ : ആരംഭവും വികാസവും (നവാസ് ഹുദവി),നബിദിനാഘോഷം: പ്രാമാണിക വായന (ജസീൽ കമാലി ഫൈസി അരക്കുപറമ്പ്), സത്യവിശ്വാസികൾക്ക് സ്വന്തത്തേക്കാൾ സമീപസ്ഥരാണ് തിരുനബി(സ്വ) (അമീർ ഹുസൈൻ ഹുദവി ചെമ്മാട്) തുടങ്ങി വിവിധ വിഷയങ്ങളിൽ പേപ്പർ പ്രസന്റേഷനുകൾ നടന്നു.

Content Highlights:skssf isthikhama seminar