കോട്ടയം: ഷോറൂമില്‍ നിന്നു കാര്‍ വാങ്ങി മടങ്ങുന്നതിനിടെ അപകടത്തില്‍പ്പെട്ട് നാലുപേര്‍ക്ക് പരിക്ക്.നിയന്ത്രണം നഷ്ടപ്പെട്ട കാര്‍ സമീപത്തുള്ള കടയിലേക്ക് ഇടിച്ച് കയറുകയായിരുന്നു. കോട്ടയം സംക്രാന്തി പേരൂരില്‍ വൈകിട്ട് നാലുമണിയോടെയായിരുന്നു അപകടം.പാലാ സ്വദേശി ഓടിച്ച കാറാണ് അപകടത്തില്‍പ്പെട്ടത്. കാറില്‍ സഞ്ചരിച്ചവരെ കൂടാതെ കടയുടെ പരിസരത്തു നിന്ന ഷണ്‍മുഖന്‍ എന്നയാള്‍ക്കും മറ്റൊരു സ്ത്രീക്കും പരിക്കേറ്റു. ഗുരുതരമായി പരിക്കേറ്റ ഷണ്‍മുഖനെ കോട്ടയം മെഡിക്കല്‍ കോളേജിലെ തീവ്രപരിചരണ വിഭാഗത്തില്‍ പ്രവേശിപ്പിച്ചു. പരിക്കേറ്റ മറ്റുള്ളവരെയും ആശുപത്രിയില്‍ എത്തിച്ച് ചികിത്സ നല്‍കി.