ബാലുശ്ശേരി: കിനാലൂര്‍ ഉഷ സ്‌കൂള്‍ ഓഫ് അത്‌ലറ്റിക്‌സിലെ വനിത കോച്ചിനെ തൂങ്ങിമരിച്ച നിലയില്‍ കണ്ടെത്തി. കോയമ്പത്തൂര്‍ തൊണ്ടാമുത്തൂര്‍ സ്വദേശിനി ജയന്തിയെ (27) ആണ് വെള്ളിയാഴ്ച പുലര്‍ച്ചെ മരിച്ച നിലയില്‍ കണ്ടെത്തിയത്.

ഹോസ്റ്റല്‍ റൂമിലാണ് ജയന്തിയെ മരിച്ച നിലയില്‍ കണ്ടത്. വിദ്യാര്‍ത്ഥികളാണ് ആദ്യം കണ്ടെതെന്നാണ് റിപ്പോര്‍ട്ട്. മരണകാരണം വ്യക്തമല്ല. വിവരമറിഞ്ഞ് ബാലുശ്ശേരി പൊലിസ് സംഘം സ്ഥലത്തെത്തി. കേസെടുത്ത് അന്വേഷണം ആരംഭിച്ചു.

കോയമ്പത്തൂര്‍ സ്വദേശിനിയായ ജയന്തി ഒന്നര വര്‍ഷം മുമ്പാണ് അസിസ്റ്റന്റ് കോച്ചായി കിനാലൂര്‍ ഉഷ സ്‌കൂള്‍ ഓഫ് അത്‌ലറ്റിക്‌സില്‍ ചേര്‍ന്നത്.