മു​ൻഗ​ണ​നാ റേ​ഷ​ൻ കാ​ർഡു​ക​ൾക്കു​ള്ള അ​പേ​ക്ഷ​ക​ൾ 10 മുതൽ; എങ്ങിനെ അപേക്ഷിക്കാം

തിരുവനന്തപുരം: മാസങ്ങളായി നിർത്തിവെച്ചിരുന്ന മു​ൻഗ​ണ​നാ റേ​ഷ​ൻ കാ​ർഡു​ക​ൾക്കു​ള്ള അ​പേ​ക്ഷ​ക​ൾ ഈ മാസം 10 മുതൽ സ്വീകരിക്കുമെന്ന് ഭ​ക്ഷ്യ സി​വി​ൽ സ​പ്ലൈ​സ് വ​കു​പ്പ്. ഈ ​മാ​സം 10 മു​ത​ൽ 20 വ​രെ​യാ​ണ് അപേക്ഷകൾ സമർപ്പിക്കാൻ അവസരമൊരുങ്ങുന്നത്. അക്ഷയ വഴി ഓൺലൈൻ ആയാണ് അപേക്ഷകൾ സമർപ്പിക്കേണ്ടത്. സം​സ്ഥാ​ന​ത്ത് മു​ൻ​ഗ​ണ​ന കാ​ർ​ഡി​ന് അ​ർ​ഹ​ത​യു​ള്ള നി​ര​വ​ധി പേ​രാ​ണ് ഇ​പ്പോ​ഴും അ​വ​സ​രം കാ​ത്തു​ക​ഴി​യു​ന്ന​ത്. അ​ന​ർ​ഹ​മാ​യി മു​ൻ​ഗ​ണ​നാ കാ​ർ​ഡ് കൈ​വ​ശം വെക്കു​ന്ന​വ​രെ ഒ​ഴി​വാ​ക്കി​യാ​ണ് പ​ക​രം ഇ​വ​ർ​ക്ക് അ​വ​സ​രം ന​ൽ​കി​യ​ത്.

ആർക്കൊക്കെ മുൻഗണന കാർഡ് ലഭിക്കും ?

ആ​ശ്ര​യ പ​ദ്ധ​തി, ആ​ദി​വാ​സി, വി​ക​ലാം​ഗ​ർ, കി​ട​പ്പ് രോ​ഗി​ക​ൾ, ഓ​ട്ടി​സം, ലെ​പ്ര​സി, അ​വ​യ​വ​മാ​റ്റം, കാ​ൻ​സ​ർ, ഡ​യാ​ലി​സി​സ്, എ​ച്ച്.​ഐ.​വി എന്നീ വിഭാഗങ്ങളിൽ ഉള്ളവർക്ക് ആണ് മുൻഗണന കാർഡ് ലഭിക്കുക.

ഇതിന് പുറമെ വി​ധ​വ, അ​വി​വാ​ഹി​ത, വി​വാ​ഹ​മോ​ചി​ത തു​ട​ങ്ങി​യ നി​രാ​ലം​ബ​രാ​യ സ്ത്രീ​ക​ൾ​ക്കും മാ​ർ​ക്ക്​ പ​രി​ഗ​ണ​ന​യി​ല്ലാ​തെ മു​ൻ​ഗ​ണ​നാ കാ​ർ​ഡ് ല​ഭി​ക്കും.

അപേക്ഷിക്കേണ്ടത് എങ്ങിനെ?

വിവിധ രേഖകൾ സഹിതം അക്ഷയ വഴി ഓൺലൈൻ ആയാണ് അപേക്ഷകൾ സമർപ്പിക്കേണ്ടത്. താഴെ പറയുന്ന രേഖകളാണ് അപേക്ഷക്കൊപ്പം നൽകേണ്ടത്.

• വ​രു​മാ​ന സ​ർ​ട്ടി​ഫി​ക്ക​റ്റ്
• വീ​ടി​ന്റെ വി​സ്തീ​ർ​ണം കാ​ണി​ക്കു​ന്ന ത​ദ്ദേ​ശ സ്ഥാ​പ​ന​ത്തി​ൽ​നി​ന്നു​ള്ള സ​ർ​ട്ടി​ഫി​ക്ക​റ്റ്
• 2009ലെ ​ബി.​പി.​എ​ൽ പ​ട്ടി​ക​യി​ലു​ൾ​പെ​ട്ട​താ​ണെ​ങ്കി​ൽ അ​തിന്റെ സ​ർ​ട്ടി​ഫി​ക്ക​റ്റ്
• ദാ​രി​ദ്യ​രേ​ഖ​ക്ക് താ​ഴെ​യു​ള്ള​​വ​രാ​ണെ​ങ്കി​ൽ അ​ത് തെ​ളി​യി​ക്കു​ന്ന പ​ഞ്ചാ​യ​ത്ത് സെ​ക്ര​ട്ട​റി​യു​ടെ സ​ർ​ട്ടി​ഫി​ക്ക​റ്റ്
• സ്വ​ന്ത​മാ​യി സ്ഥ​ലം ഇ​ല്ലെ​ങ്കി​ൽ വി​ല്ലേ​ജ്​ ഓ​ഫി​സ​റു​ടെ സാ​ക്ഷ്യ​പ​ത്രം
• വീ​ടി​ല്ലെ​ങ്കി​ൽ പ​ഞ്ചാ​യ​ത്ത് സാ​ക്ഷ്യ​പ​ത്രം
• രോ​ഗി​യോ വി​ക​ലാം​ഗ​നോ ആ​ണെ​ങ്കി​ൽ മെ​ഡി​ക്ക​ൽ സ​ർ​ട്ടി​ഫി​ക്ക​റ്റ്

മ​തി​യാ​യ ഒ​ഴി​വു​ക​ളി​ല്ലാ​ത്ത​തി​നാ​ൽ സം​സ്ഥാ​ന​ത്ത് മു​ൻഗ​ണ​നാ കാ​ർഡി​നു​വേ​ണ്ടി​യു​ള്ള അ​പേ​ക്ഷ സ്വീ​ക​രി​ക്ക​ൽ മാ​സ​ങ്ങ​ളാ​യി നി​ർ​ത്തി ​െവ​ച്ചി​രി​ക്കു​ക​യാ​യി​രു​ന്നു. നേ​ര​ത്തേ, ക​ഴി​ഞ്ഞ ജൂ​ലൈ 18 മു​ത​ൽ ആ​ഗ​സ്റ്റ് 10 വ​രെ അ​പേ​ക്ഷ സ്വീ​ക​രി​ക്കു​മെ​ന്ന് പ്ര​ഖ്യാ​പി​ച്ചി​രു​ന്നെ​ങ്കി​ലും കേ​ന്ദ്ര മാ​ന​ദ​ണ്ഡം ക​ർ​ശ​ന​മാ​ക്കി​യ​തോ​ടെ ഇ​ത് ന​ട​ന്നി​ല്ല.