ലഖ്‌നൗ: വിദ്വേഷ പ്രസംഗ കേസില്‍ ശിക്ഷിക്കപ്പെട്ട സമാജ്‌വാദി പാര്‍ട്ടി എം.എല്‍.എ അസംഖാന്റെ നിയമസഭാ അംഗത്വം റദ്ദാക്കി. യുപി നിയമസഭാ സ്പീക്കറുടെതാണ് നടപടി. ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിനെതിരെ നടത്തിയ വിദ്വേഷ പരാമര്‍ശ കേസിലാണ് ശിക്ഷ.

അസം ഖാന്‍ ഉള്‍പ്പെടെ മൂന്നു പേരെ മൂന്ന് വര്‍ഷം തടവിനും 2000 രൂപ പിഴയ്ക്കും രാംപൂര്‍ കോടതി ശിക്ഷ വിധിച്ചിരുന്നു. അപ്പീല്‍ നല്‍കാന്‍ ഒരു മാസത്തെ സമയം നല്‍കിയിട്ടുണ്ട്. ഈ കാലയളവില്‍ കോടതി അസം ഖാന് ജാമ്യം നല്‍കിയിട്ടുണ്ട്. അപ്പീല്‍ തള്ളി ശിക്ഷ അനുഭവിക്കേണ്ടി വന്നാല്‍ അസംഖാന് എം.എല്‍.എ സ്ഥാനം നഷ്ടപ്പെടും.

2019ലാണ് അസംഖാന്‍ യോഗിക്കെതിരായ വിവാദ പ്രസംഗം നടത്തിയത്. യോഗി ആദിത്യനാഥിനെയും ജില്ലാ മജിസ്‌ട്രേറ്റായിരുന്ന അഞ്ജനേയ കുമാര്‍ സിംഗ് ഐഎഎസിനെയും അസംഖാന്‍ പ്രസംഗത്തില്‍ വിമര്‍ശിച്ചിരുന്നു. തുടര്‍ന്ന് പ്രസംഗം പ്രകോപനപരമായിരുന്നുവെന്ന് കേസും രജിസ്റ്റര്‍ ചെയ്തു. ഇന്നലെ റായ്പൂര്‍ കോടതിയാണ് കേസില്‍ അസം ഖാന്‍ കുറ്റക്കാരനാണെന്ന് വിധിച്ചത്.