തിരുവനന്തപുരം: കെ.എസ്.യു പ്രസിഡന്റായി അലോഷ്യസ് സേവ്യറിനെ തിരഞ്ഞെടുത്തു. നിലവില്‍ എറണാകുളം ജില്ലാ പ്രസിഡന്റായിരുന്നു അലോഷ്യസ്. വൈസ് പ്രസിഡന്റുമാരായി മുഹമ്മദ് ഷമ്മാസിനേയും ആന്‍ സെബാസ്റ്റ്യനെയും പ്രഖ്യാപിച്ചു. കെ.എം.അഭിജിത്ത് പ്രസിഡന്റ് സ്ഥാനം രാജിവെച്ചതോടെയാണ് കെ.എസ്.യുവില്‍ പുനഃസംഘടന അനിവാര്യമായത്.

സ്ഥാനമൊഴിഞ്ഞ അഭിജിത്തിനെ എന്‍.എസ്.യു.ഐയുടെ ദേശീയ ജനറല്‍ സെക്രട്ടറിയായി നിയമിച്ചു. തിരഞ്ഞെടുപ്പ് ഒഴിവാക്കി സമവായത്തിലൂടെയാണ് കെ.എസ്.യു പ്രസിഡന്റിനെ കണ്ടെത്തിയത്. വര്‍ഷങ്ങളായി എ ഗ്രൂപ്പിന്റെ കൈവശമാണ് പ്രസിഡന്റ് സ്ഥാനം.