ദുബായ്: സമൂഹത്തില്‍ വ്യത്യസ്ത മേഖലകളില്‍ ശ്രദ്ധേയരായ 35 സ്ത്രീകളെ സാമൂഹിക നന്മയ്ക്കും ഉന്നമനത്തിനും വേണ്ടി പ്രവര്‍ത്തിക്കുമെന്ന പ്രതിജ്ഞയോടെ ഇന്റര്‍നാഷണല്‍ ലയണ്‍സ് ക്‌ളബ്ബിന് കീഴില്‍ അണിനിരത്തി 'ദുബായ് പ്രൈഡ് ലയണ്‍സ് ക്‌ളബ്' എന്ന പേരില്‍  
മിഡില്‍ ഈസ്റ്റിലെ പ്രഥമ ലേഡീസ് ലയണ്‍സ് ക്‌ളബ് രൂപീകരിച്ചു. നഹ്ദ ലാവന്‍ഡര്‍ ഹോട്ടലില്‍ നടന്ന ചടങ്ങില്‍ അന്താരാഷ്ട്ര ലയണ്‍സ് ക്ബ് മിഡില്‍ ഈസ്റ്റ് മേഖലാ പ്രതിനിധി ലയണ്‍ അഗസ്റ്റോ ഡി പെട്രോ ചടങ്ങില്‍ അധ്യക്ഷനായി. ദുബായ് പ്രൈഡ് ലയണ്‍സ് ക്‌ളബ്ബിന്റെ ചാര്‍ട്ടര്‍ നൈറ്റും അംഗങ്ങളുടെ ഇന്‍സ്റ്റലേഷനും നടന്നു. ലയണ്‍സ് ഉഷ സുനില്‍ പ്രസിഡന്റും ഡോ. ജോഷില ഷാബു സെക്രട്ടറിയും മെഹ്ജബീന്‍ ട്രഷററുമായി ചുമതലയേറ്റു. ചടങ്ങില്‍ യുഎഇയിലെ ലയണ്‍സ് ക്‌ളബ്ബുകളുടെ ഭാരവാഹികള്‍ ആശംസ നേര്‍ന്നു.