ദുബായ്: ചിരന്തന പബ്‌ളിക്കേഷന്റെ 40-ാമത് ഗ്രന്ഥവും ചിരന്തന പ്രസിഡന്റ് പുന്നക്കന്‍ മുഹമ്മദലിയുടെ അഞ്ചാമത്തെ പുസ്തകമായ 'കാല്‍പ്പാടുകളു'ടെ മുഖചിത്രവും കോണ്‍ഗ്രസ്സിന്റെ മുതിര്‍ന്ന ദേശീയ നേതാവ് രമേശ് ചെന്നിത്തല എംഎല്‍എ ദുബായില്‍ പ്രകാശനം ചെയ്തു.
ചരിത്രങ്ങളെ തിരുത്തുന്ന കാലത്ത് ചരിത്ര സത്യങ്ങള്‍ വരുംതലമുറയ്ക്ക് കൈമാറുന്ന പുസ്തകമായിരിക്കും 'കാല്‍പ്പാടുകളെ'ന്ന് പ്രതീക്ഷിക്കുന്നതായി രമേശ് ചെന്നിത്തല പറഞ്ഞു.
42-ാമത് ഷാര്‍ജ അന്താരാഷ്ട്ര പുസ്തക മേളയില്‍ ഈ പുസ്തകം പ്രകാശനം ചെയ്യും. ഹൃദയ രേഖകള്‍, ഇ.അഹമ്മദ് എന്ന പൂമരം, ഒപ്പം, കാലം സാക്ഷി എന്നി പുസ്തങ്ങളാണ് പുന്നക്കന്റെ നേരത്തെ പ്രസിദ്ധീകരിച്ച പുസ്തകങ്ങള്‍,
ഇന്‍കാസ് ദുബായ് കമ്മിറ്റി സെക്രട്ടറി പോള്‍ ജോര്‍ജ് പൂവത്തേരില്‍, ഐഒസി ദുബായ് കമ്മിറ്റി ജന.സെക്രട്ടറി ഷംസീര്‍ നാദാപുരം, സെക്രട്ടറി സിറിസ് കുന്നത്ത് പെരിന്തല്‍മണ്ണ, യൂത്ത് കോണ്‍ഗ്രസ് നേതാവ് സുധീഷ് ചക്കാലയില്‍ മാവേലിക്കര ചടങ്ങില്‍ പങ്കെടുത്തു