തൃശൂര്‍: മതിലകം എസ്.ഐയ്ക്ക് നേരെ ക്രിമിനില്‍ സംഘത്തിന്റെ ആക്രമണം. മതിലകം എസ്.ഐ മിഥുന്‍ മാത്യുവിനെയാണ് ക്രിമിനല്‍ സംഘം ആക്രമിച്ചത്. ലഹരി വില്‍പ്പനക്കാരെ പിടികൂടാന്‍ ശ്രമിക്കുന്നതിനിടെയാണ് ആക്രമണം.എസ്.ഐയുടെ മുഖത്ത് പരുക്കേറ്റു. പൊലിസ് ജീപ്പിന്റെ ചില്ലും അക്രമി സംഘം തകര്‍ത്തു.

സംഭവവുമായി ബന്ധപ്പെട്ട് മൂന്ന് പേരെ പൊലിസ് അറസ്റ്റ് ചെയ്തു. എടവിലങ്ങാട് സ്വദേശികളായ സൂരജ്, അജിത്ത്, അഖില്‍ എന്നിവരെ പൊലിസ് അറസ്റ്റ് ചെയ്തു. ഇവര്‍ക്കെതിരെ ജാമ്യമില്ലാ വകുപ്പ് പ്രകാരം കേസെടുത്തു.