ഹസാരിബാഗ്: ജാര്‍ഖണ്ഡിലെ ഹസാരിബാഗ് ജില്ലയിലെ ഒരു ഗ്രാമത്തിലെ കിണറ്റില്‍ ഭാര്യയുടെയും പ്രായപൂര്‍ത്തിയാകാത്ത മകളുടെയും മൃതദേഹം കണ്ടെത്തി. ഭര്‍ത്താവിനെ പൊലിസ് അറസ്റ്റ് ചെയ്തു. തായി പോലീസ് ഉദ്യോഗസ്ഥന്‍ പറഞ്ഞു.

35 കാരിയായ ചുഞ്ചുന്‍ ദേവി, 12 വയസ്സുള്ള മകള്‍ രാധികാ കുമാരി എന്നിവരാണ് മരിച്ചത്. മൃതദേഹങ്ങള്‍ പോസ്റ്റ്‌മോര്‍ട്ടത്തിനായി ഹസാരിബാഗ് മെഡിക്കല്‍ കോളേജ് ആശുപത്രിയിലേക്ക് മാറ്റി. ചുഞ്ചുന്‍ ദേവിയുടെ പിതാവിന്റെ പരാതിയില്‍ മരിച്ച സ്ത്രീയുടെ ഭര്‍ത്താവ് ചിന്തന്‍ എന്ന ഹരിശ്ചന്ദ്ര യാദവിനെ പൊലിസ് അറസ്റ്റ് ചെയ്തു.

ഗ്രാമത്തിലെ മറ്റൊരാളുമായി അവിഹിത ബന്ധമുണ്ടെന്ന് ആരോപിച്ച് സംഭവത്തിന് മുമ്പ് ചിന്തന്‍ ഭാര്യയുമായി വഴക്കിട്ടിരുന്നതായി ബര്‍ഹി സബ് ഡിവിഷണല്‍ പൊലിസ് ഓഫിസര്‍ നസീര്‍ അക്തര്‍ പറഞ്ഞു.