മലപ്പുറം: തിരൂരില്‍ കുളത്തില്‍ വീണ് രണ്ട് കുട്ടികള്‍ മരിച്ചു. അമല്‍ സയാന്‍ (3) റിയ (4) എന്നിവരാണ് മരിച്ചത്. തിരൂര്‍ തൃക്കണ്ടിയൂര്‍ അങ്കണവാടിക്ക്‌സമീപമുള്ള കുളത്തിലാണ് കുട്ടികള്‍ മുങ്ങി മരിച്ചത്. അങ്കണവാടി വിട്ട് വന്നതിന് ശേഷം ഭക്ഷണം കഴിച്ചുകൊണ്ടിരുന്ന കുട്ടികളെ കാണാതായതിനെ തുടര്‍ന്ന് നടത്തിയ തിരച്ചിലിലാണ് കുട്ടികളെ കുളത്തില്‍ കണ്ടെത്തിയത്.

ഇന്ന് വൈകീട്ട് മൂന്നരക്കാണ് സംഭവം. പാറപ്പുറത്ത് ഇല്ലത്തപ്പറമ്പില്‍ റഷീദിന്റെ മകള്‍ മൂന്ന് വയസുകാരി ഫാത്തിമ റിയയും കാവുങ്ങല്‍പറമ്പില്‍ നൗഷാദിന്റെ മകന്‍ അമന്‍ സയാനുമാണ് കുളത്തില്‍ മുങ്ങിമരിച്ചത്. തിരൂര്‍ ജില്ലാ ആശുപത്രിയിലെത്തിച്ചെങ്കിലും രക്ഷിക്കാനായില്ല.