കൃഷ്ണൻ ചേലേമ്പ്ര

വാ​ര്‍ത്ത​യു​ടെ ത​ല​ക്കെ​ട്ട്: ‘കാ​ണാ​താ​യ വി​ദ്യാ​ര്‍ഥി ദു​രൂ​ഹ സാ​ഹ​ച​ര്യ​ത്തി​ല്‍ മ​ട​ങ്ങി​യെ​ത്തി’.
ര​ണ്ടു ദി​വ​സം മു​മ്പ് കാ​ണാ​താ​യ പ​ത്താം ക്ലാ​സ് വി​ദ്യാ​ര്‍ഥി ദു​രൂ​ഹ സാ​ഹ​ച​ര്യ​ത്തി​ല്‍ വീ​ട്ടി​ല്‍ മ​ട​ങ്ങി​യെ​ത്തി​യെ​ന്ന റി​പ്പോ​ര്‍ട്ടാ​ണ് വാ​യ​ന​ക്കാ​രി​ല്‍ ആ​ശ​യ​ക്കു​ഴ​പ്പ​മു​ണ്ടാ​ക്കു​ന്ന​ത്. ദു​രൂ​ഹ​മാ​യ സാ​ഹ​ച​ര്യ​ത്തി​ല്‍ കു​ട്ടി​ക​ള്‍ അ​പ്ര​ത്യ​ക്ഷ​മാ​വു​ന്ന​ത് സാ​ധാ​ര​ണ​മാ​ണ്. ഇ​വി​ടെ ത​ല​ക്കെ​ട്ടി​ല്‍ മാ​ത്ര​മാ​ണ് ‘ദു​രൂ​ഹ​മാ​യ മ​ട​ങ്ങി വ​ര​വെ’ങ്കി​ല്‍ ദു​രൂ​ഹ​മെ​ന്ന വാ​ക്ക് സ്ഥാ​നം മാ​റി​ക്കി​ട​ന്ന​താ​ണെ​ന്ന് ന്യാ​യീ​ക​രി​ക്കാ​മാ​യി​രു​ന്നു. എ​ന്നാ​ല്‍ വാ​ര്‍ത്ത​യി​ല്‍ ‘ദു​രൂ​ഹ​മാ​യ മ​ട​ങ്ങി വ​ര​വ് ’ ആ​വ​ര്‍ത്തി​ച്ചി​രി​ക്ക​യാ​ല്‍ ആ ​ന്യാ​യീ​ക​ര​ണ​ത്തി​നു പ്ര​സ​ക്തി​യി​ല്ല. വാ​ര്‍ത്ത​യി​ല്‍ കു​ട്ടി​യു​ടെ മ​ട​ങ്ങി വ​ര​വി​നെ​പ്പ​റ്റി വ്യ​ക്ത​മാ​യി പ​റ​യു​ന്നു​ണ്ട്. അ​തി​ല്‍ ദു​രൂ​ഹ​ത​യൊ​ട്ടു​മി​ല്ല താ​നും. ലേ​ഖ​ക​നെ​പ്പോ​ലെ സ​ഹ​പ​ത്രാ​ധി​പ​രും ‘ദു​രൂ​ഹ​ത’യി​ല്‍ അ​ഭി​ര​മി​ച്ച​താ​ണ് വാ​യ​ന​ക്കാ​ര്‍ക്ക് ദു​രൂ​ഹ​മാ​യി​ത്തോ​ന്നു​ന്ന​ത്.

വാ​യ​ന​യെ​ന്ന പീ​ഡാ​നു​ഭ​വം

‘മൃ​ത​ദേ​ഹ​ങ്ങ​ള്‍ക്കാ​യി ആ​ഴ​ങ്ങ​ളി​ലേ​ക്ക് മീ​രാ​ന്‍കു​ട്ടി’ എ​ന്ന ‘ഹ്യു​മ​ണ്‍ ഇ​ന്റ​റ​സ്റ്റി​ങ് സ്റ്റോ​റി’ നാ​ളു​ക​ള്‍ക്ക് മു​മ്പ് പ്ര​ധാ​ന പ​ത്ര​ത്തി​ല്‍ കാ​ണു​ക​യു​ണ്ടാ​യി. മു​ങ്ങി​മ​ര​ണം തു​ട​ര്‍ക്ക​ഥ​യാ​യ മേ​ഖ​ല​യി​ല്‍ മീ​രാ​ന്‍കു​ട്ടി എ​ന്ന മ​നു​ഷ്യ​സ്‌​നേ​ഹി പ്ര​തി​ഫ​ലേ​ച്ഛ കൂ​ടാ​തെ മൃ​ത​ദേ​ഹം ത​പ്പി​യെ​ടു​ക്കാ​ന്‍ മു​ന്നി​ട്ടി​റ​ങ്ങു​ന്ന ‘ക​ഥ’യാ​ണി​ത്. ഇ​തി​ലെ ഒ​രു വാ​ച​കം: ‘ഊ​ണും ഉ​റ​ക്ക​വു​മി​ല്ലാ​തെ മീ​രാ​ന്‍ കു​ട്ടി വെ​ള്ള​ത്തി​ലേ​ക്കു കു​തി​ക്കും’. ഇ​തു വാ​യി​ച്ചാ​ല്‍ തോ​ന്നു​ക ക​ഥാ​പു​രു​ഷ​ന്‍ ഊ​ണും ഉ​റ​ക്ക​വു​മു​പേ​ക്ഷി​ച്ച് വീ​ട്ടി​ല്‍ അ​ത്യാ​ഹി​ത​വും പ്ര​തീ​ക്ഷി​ച്ച​ങ്ങ​നെ ഇ​രി​ക്കു​ക​യാ​ണെ​ന്ന​ല്ലേ? പ​ക്ഷേ, വാ​സ്ത​വ​മെ​ന്താ​ണ്? ‘മൃ​ത​ദേ​ഹ​മെ​ടു​ക്കാ​ന്‍ വെ​ള്ള​ത്തി​ലേ​ക്ക് കൂ​പ്പു​കു​ത്തി​യാ​ല്‍ പി​ന്നെ മീ​രാ​ന്‍കു​ട്ടി ഊ​ണും ഉ​റ​ക്ക​വും മ​റ​ക്കും’. ഇ​താ​ണ് ശ​രി​യാ​യ അ​വ​ത​ര​ണ രീ​തി. പ​ത്ര​വാ​ര്‍ത്ത​ക​ള്‍ക്ക് ആ​ദ്യ​വാ​യ​ന​യു​ടെ ആ​യു​സ്സ് മാ​ത്ര​മേ ഉ​ള്ളു​വെ​ങ്കി​ലും ആ ​വാ​യ​ന പീ​ഡാ​നു​ഭ​വ​മാ​ക്കാ​തി​രി​ക്കാ​ന്‍ ലേ​ഖ​ക​നും പ​ത്രാ​ധി​പ​ര്‍ക്കും ബാ​ധ്യ​ത​യു​ണ്ട്. പീ​ഡാ​നു​ഭ​വ​ത്തി​ന് മ​റ്റൊ​രു ദൃ​ഷ്ടാ​ന്തം:

‘കി​ണ​റ്റി​ല്‍ വീ​ണ് ഗു​രു​ത​രാ​വ​സ്ഥ​യി​ല്‍ താ​ലൂ​ക്കാ​ശു​പ​ത്രി​യി​ല്‍ കൊ​ണ്ടു​വ​ന്ന മൂ​ന്നു വ​യ​സ്സു​കാ​രി ആ​ശു​പ​ത്രി​യി​ല്‍ ഡോ​ക്ട​റി​ല്ലാ​തി​രു​ന്ന​തി​നെ തു​ട​ര്‍ന്ന് യ​ഥാ​സ​മ​യം ചി​കി​ത്സ കി​ട്ടാ​തെ മ​രി​ച്ചു’. ഇ​തി​ല്‍ ആ​ശു​പ​ത്രി​യി​ല്‍, യ​ഥാ​സ​മ​യം എ​ന്നീ വാ​ക്കു​ക​ള്‍ നി​ര​ര്‍ഥ​ക​മാ​യാ​ണ് പ്ര​യോ​ഗി​ച്ചി​രി​ക്കു​ന്ന​ത്. ‘കി​ണ​റ്റി​ല്‍ വീ​ണ് ഗു​രു​ത​രാ​വ​സ്ഥ​യി​ല്‍ താ​ലൂ​ക്കാ​ശു​പ​ത്രി​യി​ല്‍ കൊ​ണ്ടു​വ​ന്ന മൂ​ന്നു വ​യ​സ്സു​കാ​രി ഡോ​ക്ട​റി​ല്ലാ​തി​രു​ന്ന​തി​നാ​ല്‍ ചി​കി​ത്സ കി​ട്ടാ​തെ മ​രി​ച്ചു’. ലേ​ഖ​ക​ന്‍ ഉ​ദ്ദേ​ശി​ച്ച​തെ​ല്ലാം ഇ​തി​ലി​ല്ലേ? താ​ലൂ​ക്ക് ആ​ശു​പ​ത്രി​യി​ല്‍ കൊ​ണ്ടു​വ​ന്നാ​ല്‍ ഡോ​ക്ട​റി​ല്ലാ​ത്ത​ത് അ​വി​ടെ​ത്ത​ന്നെ​യ​ല്ലേ? അ​തു​കൊ​ണ്ടു ത​ന്നെ​യ​ല്ലേ ‘യ​ഥാ​സ​മ​യം’ ചി​കി​ത്സ കി​ട്ടാ​തെ വ​ന്ന​തും? ആ​ശു​പ​ത്രി​യി​ല്‍, യ​ഥാ​സ​മ​യം എ​ന്നി​വ ഒ​ഴി​വാ​ക്കി​യ​പ്പോ​ള്‍ വാ​ര്‍ത്ത​യ്ക്ക് ഒ​രു ‘പി​രി​മു​റു​ക്കം’ തോ​ന്നു​ന്നി​ല്ലേ?

മേ​മ്പൊ​ടി​യാ​വാം; അ​തി​രു വി​ട​രു​ത്

വാ​ച​ക​ക്ക​സ​ര്‍ത്തി​നു​ള്ള വേ​ദി​യ​ല്ല വാ​ര്‍ത്ത​യെ​ഴു​ത്ത്. പ​റ​യാ​നു​ള്ള​ത് മേ​ദ​സ്സി​ന്റെ അം​ശ​മി​ല്ലാ​തെ എ​ഴു​തി ഫ​ലി​പ്പി​ക്കു​ന്ന​താ​ണ് റി​പ്പോ​ര്‍ട്ട​റു​ടെ മി​ടു​ക്ക്. കൈ​യൊ​തു​ക്ക​മെ​ന്നും പ​റ​യാം. എ​ങ്കി​ലും ആ​ഘോ​ഷ പ​രി​പാ​ടി​ക​ളെ​പ്പോ​ലു​ള്ള വാ​ര്‍ത്ത​ക​ളി​ല്‍ അ​ല്‍പ​സ്വ​ല്‍പം സാ​ഹി​ത്യ​ത്തി​ന്റെ മേ​മ്പൊ​ടി​യാ​വാം. പ​ക്ഷേ, അ​തും അ​ധി​ക​മാ​യാ​ല്‍ അ​രോ​ച​ക​മാ​വും. ഉ​ദാ​ഹ​ര​ണം:
റ​മ​ദാ​ന്‍ വ്ര​താ​രം​ഭ​ത്തെ​ക്കു​റി​ച്ചു​ള്ള വാ​ര്‍ത്ത​യി​ലെ ഒ​രു വാ​ച​കം നോ​ക്കു​ക: ‘ഉ​റ​ങ്ങാ​ന്‍ മ​റ​ന്നു​പോ​കു​ന്ന രാ​വു​ക​ളി​ല്‍ ന​മ​സ്‌​കാ​ര സ​മു​ച്ച​യ​ങ്ങ​ള്‍ നീ​ന്തി ന​ട​ക്കും’.
വി​ഭി​ന്ന വ​സ്തു​ക്ക​ളു​ടെ കൂ​ട്ട​ത്തെ​യാ​ണ് സ​മു​ച്ച​യം എ​ന്നു പ​റ​യു​ക. ഇ​വി​ടെ ന​മ​സ്‌​കാ​ര സ​മു​ച്ച​യ​ങ്ങ​ള്‍ (സ​മു​ച്ച​യ​ങ്ങ​ള്‍ എ​ന്ന പ്ര​യോ​ഗം ത​ന്നെ തെ​റ്റ്, സ​മു​ച്ച​യം എ​ന്നു മ​തി) അ​ങ്ങ​നെ നീ​ന്തി ന​ട​ക്കു​ക​യാ​ണ​ത്രേ. എ​ത്ര ത​ന്നെ ശ്ര​മി​ച്ചി​ട്ടും ആ ​രം​ഗം ഭാ​വ​ന​യി​ല്‍ കാ​ണാ​നാ​വു​ന്നി​ല്ല. എ​ന്താ​ണ് ‘ന​മ​സ്‌​കാ​ര സ​മു​ച്ച​യം’ കൊ​ണ്ട് ലേ​ഖ​ക​ന്‍ ഉ​ദ്ദേ​ശി​ച്ച​ത്? മു​ഖ്യ​മ​ന്ത്രി​യു​ടെ ക്ലി​ഫ് ഹൗ​സി​ലെ കു​ള​ത്തി​ല്‍ വി​യ​റ്റ്‌​നാം താ​റാ​വു​ക​ള്‍ നീ​ന്തി ന​ട​ക്കു​ന്ന​തി​നെ​ക്കു​റി​ച്ച് മു​മ്പൊ​രി​ക്ക​ല്‍ വാ​യി​ച്ചി​രു​ന്നു. അ​തു​പോ​ലെ ന​മ​സ്‌​കാ​ര സ​മു​ച്ച​യ​മ​ങ്ങ​നെ നീ​ന്തി ന​ട​ക്കു​ക. എ​ന്തു​മാ​ത്രം വി​ക​ല​മാ​യ പ്ര​യോ​ഗം! ഇ​തേ സൃ​ഷ്ടി​യി​ലെ മ​റ്റൊ​രു വാ​ച​കം:
‘പ്ര​വാ​ച​ക പ്ര​ഭു​ക്ക​ളു​ടെ പാ​ദ​സ്വ​ര്‍ഗ​ങ്ങ​ളേ​റ്റ മ​ണ​ലാ​ര​ണ്യ​ങ്ങ​ള്‍...’ ക​ണ്ണു തി​രു​മ്മി ഒ​രാ​വ​ര്‍ത്തി കൂ​ടി വാ​യി​ച്ചു. പാ​ദ​സ്പ​ര്‍ശ​മെ​ന്നോ മ​റ്റോ ആ​യി​രി​ക്കും. അ​ല്ല, പാ​ദ​സ്വ​ര്‍ഗ​ങ്ങ​ള്‍ ത​ന്നെ. ഇ​തെ​ന്തൊ​രു സ്വ​ര്‍ഗം?

നെ​ടു​മ്പാ​ശ്ശേ​രി​യി​ലെ​ത്തി​യ
യാ​ത്ര​ക്കാ​ര​ന്‍

വാ​ര്‍ത്ത​യു​ടെ ഇ​ന്‍ട്രോ​യി​ല്‍ ഔ​ചി​ത്യ​ബോ​ധ​മി​ല്ലാ​യ്മ പ്ര​ക​ട​മാ​കു​ന്ന​തി​ന്റെ ഉ​ദാ​ഹ​ര​ണ​മി​താ: ‘നെ​ടു​മ്പാ​ശ്ശേ​രി എ​യ​ര്‍പോ​ര്‍ട്ടി​ല്‍ വ​ന്നി​റ​ങ്ങി​യ മ​ഹാ​രാ​ഷ്ട്ര സ്വ​ദേ​ശി​യാ​യ ഒ​രു യാ​ത്ര​ക്കാ​ര​ന്‍ കാ​റി​ല്‍ സ​ഞ്ച​രി​ക്കു​ന്ന​തി​നി​ടെ മ​റ്റൊ​രു വാ​ഹ​ന​ത്തി​ലെ​ത്തി​യ അ​ഞ്ചം​ഗ സം​ഘം 17 കി​ലോ തൂ​ക്കം വ​രു​ന്ന സ്വ​ര്‍ണാ​ഭ​ര​ണ​ങ്ങ​ള്‍ അ​ട​ങ്ങി​യ പെ​ട്ടി ത​ട്ടി​ക്കൊ​ണ്ടു​പോ​യ​താ​യി പ​രാ​തി’. വൃ​ഥാ​സ്ഥൂ​ല​ത മു​ഴ​ച്ചു നി​ല്‍ക്കു​ന്നു ഈ ​വാ​ച​ക​ത്തി​ല്‍. എ​യ​ര്‍പോ​ര്‍ട്ട്, ഒ​രു യാ​ത്ര​ക്കാ​ര​ന്‍, മ​റ്റൊ​രു വാ​ഹ​നം, അ​ട​ങ്ങി​യ പെ​ട്ടി തു​ട​ങ്ങി അ​നാ​വ​ശ്യ​മാ​യ ഒ​ട്ടേ​റെ വാ​ക്കു​ക​ള്‍ ഈ ​വാ​ച​ക​ത്തി​ലു​ണ്ട്.
‘നെ​ടു​മ്പാ​ശ്ശേ​രി​യി​ല്‍ വ​ന്നി​റ​ങ്ങി​യ മ​ഹാ​രാ​ഷ്ട്ര സ്വ​ദേ​ശി കാ​റി​ല്‍ സ​ഞ്ച​രി​ക്ക​വേ പി​ന്തു​ട​ര്‍ന്നെ​ത്തി​യ അ​ഞ്ചം​ഗ​സം​ഘം 17 കി​ലോ തൂ​ക്കം വ​രു​ന്ന സ്വ​ര്‍ണാ​ഭ​ര​ണ​ങ്ങ​ള്‍ ത​ട്ടി​ക്കൊ​ണ്ടു പോ​യി’. ഈ ​വാ​ച​ക​ത്തി​ല്‍ വാ​ര്‍ത്ത​യു​ടെ എ​ല്ലാ സ​ത്തും അ​ട​ങ്ങി​യി​രി​ക്കു​ന്നു. നെ​ടു​മ്പാ​ശ്ശേ​രി​യി​ല്‍ എ​ന്നെ​ഴു​തി​യാ​ല്‍ എ​യ​ര്‍പോ​ര്‍ട്ടു ത​ന്നെ​യെ​ന്നു വ്യ​ക്തം. എ​യ​ര്‍പോ​ര്‍ട്ടി​ല്‍ വ​രു​ന്ന​തു യാ​ത്ര​ക്കാ​ര​ന്‍ ത​ന്നെ​യാ​യി​രി​ക്കു​മ​ല്ലോ. മ​റ്റൊ​രു വാ​ഹ​ന​ത്തി​ല്‍ വ​ന്നാ​ല്‍ മാ​ത്ര​മ​ല്ലേ കാ​റി​നെ പി​ന്തു​ട​രാ​നാ​വൂ. ആ​ഭ​ര​ണം പെ​ട്ടി​യി​ലോ സ​ഞ്ചി​യി​ലോ എ​ന്ന​ത് വാ​യ​ന​ക്കാ​ര​ന് അ​റി​യേ​ണ്ട​തി​ല്ല. ഇ​നി അ​ത് എ​ഴു​തി​യേ പ​റ്റൂ എ​ന്നു​ണ്ടെ​ങ്കി​ല്‍ ‘ഇ​ന്‍ട്രോ’ ശേ​ഷ​മാ​യാ​ലും മ​തി.
•