കണ്ണൂര്‍: ജില്ലാ ആശുപത്രി അത്യാഹിത വിഭാഗത്തില്‍ അതിക്രമവുമായി കഞ്ചാവ് കേസ് പ്രതി. കഞ്ചാവ് കൈവശം വച്ചതിന് അറസ്റ്റിലായ പ്രതിയെ വൈദ്യപരിശോധനയ്ക്ക് എത്തിച്ചതായിരുന്നു.

കക്കാട് സ്വദേശി യാസര്‍ അറാഫാത്ത് ആണ് അത്യാഹിത വിഭാഗത്തില്‍ ഭീകരാന്തരീക്ഷം സൃഷ്ടിച്ചത്. മെഡിക്കല്‍ ഓഫിസറുടെ മുറിയുടെ ചില്ല് ഇയാള്‍ തലകൊണ്ട് ഇടിച്ചുതകര്‍ത്തു. കസേരകള്‍ വലിച്ചെറിഞ്ഞു. ആക്രമണത്തില്‍ പൊലീസുകാര്‍ക്ക് പരുക്കേറ്റു.

ടൗണ്‍ എസ്‌ഐ എ.ഇബ്രാഹിം, സി വില്‍ പൊലീസ് ഓഫിസര്‍മാരായ എം.ടി.അനൂപ്, കെ.നവീന്‍ എന്നിവര്‍ക്കാണ് പരുക്കേറ്റത്.