തിരുവനന്തപുരം: സംസ്ഥാന കോര്‍ കമ്മിറ്റിയില്‍ ഉള്‍പ്പെടുത്താതില്‍ രോഷം മറച്ചുവെക്കാതെ ശോഭാ സുരേന്ദ്രന്‍. ജനങ്ങളുടെ കോര്‍ കമ്മിറ്റിയില്‍ തനിക്ക് സ്ഥാനമുണ്ട്. രണ്ടര പതിറ്റാണ്ടിലധികമായി രാഷ്ട്രീയ പ്രവര്‍ത്തനം നടത്തുന്നുണ്ട്. പാര്‍ട്ടിക്ക് സ്വാധീനം ഇല്ലാതിരുന്ന കാലത്ത് കമ്മ്യൂണിസ്റ്റ് കോട്ടകളില്‍ പോയി പ്രവര്‍ത്തിച്ചിരുന്നു. സുരേഷ് ഗോപി കോര്‍ കമ്മിറ്റിയില്‍ വരുന്നതില്‍ സന്തോഷമുണ്ടെന്നും ശോഭാ പറഞ്ഞു.

ഏല്‍പ്പിച്ച ചുമതലകള്‍ നിറവേറ്റിയിട്ടുണ്ട്. കൂടുതല്‍ ചുമതലകള്‍ നല്‍കേണ്ടത് പാര്‍ട്ടി അധ്യക്ഷനാണെന്നും അതിനെക്കുറിച്ച് അദ്ദേഹത്തോട് തന്നെ ചോദിക്കണമെന്നും അവര്‍ പറഞ്ഞു.

പതിവ് രീതികളില്‍ മറികടന്ന് സൂപ്പര്‍ താരം സുരേഷ് ഗോപിയെ സംസ്ഥാന കോര്‍ കമ്മിറ്റിയില്‍ ബിജെപി ഉള്‍പ്പെടുത്തിയിരുന്നു. സുരേഷ് ഗോപിയുടെ ജനപ്രീതി പരമാവധി ഉപയോഗപ്പെടുത്തുന്നതിന്റെ ഭാഗമായാണ് കോര്‍ കമ്മിറ്റിയില്‍ എടുത്തത്.