ദുബൈ: അഫ്ഗാനില്‍നിന്നു രക്ഷപ്പെട്ട പ്രസിഡന്റ് അഷ്‌റഫ് ഗനിക്ക് യു.എ.ഇ അഭയം നല്‍കി. ഗനിക്കും കുടുംബത്തിനും അഭയം നല്‍കിയത് മനുഷ്യത്വപരമാണെന്ന് യു.എ.ഇ അധികൃതര്‍ അറിയിച്ചു. എന്നാല്‍, യു.എ.ഇയില്‍ എവിടെയാണ് അദ്ദേഹം ഉള്ളതെന്നതടക്കമുള്ള വിവരങ്ങള്‍ പുറത്തുവിട്ടിട്ടില്ല. ഗനി രാജ്യത്തെത്തിയതായി ബുധനാഴ്ച വൈകിട്ടാണ് യു.എ.ഇ സ്ഥിരീകരിച്ചത്. താലിബാന്‍ സേന കാബൂളില്‍ പ്രവേശിക്കുമെന്ന് ഉറപ്പായതോടെയാണ് ഗനി രാജ്യംവിട്ടത്.