തൃശൂര്‍/പാലക്കാട്: ജില്ലകളിലെ മലയോരമേഖലകളില്‍ നേരിയ ഭൂചലനം. തൃശൂര്‍ ചിമ്മിനി, പാലപ്പിള്ളി, വേലൂപ്പാടം, പൗണ്ട് മേഖലകളിലും പാലക്കാട് കിഴക്കഞ്ചേരിയിലുമാണ് ഭൂചലനം അനുഭവപ്പെട്ടത്.
ചിമ്മിനിയില്‍ ഇന്നലെ ഉച്ചയ്ക്ക് 2.40നാണ് വലിയ ശബ്ദത്തോടെ ഭൂമികുലുങ്ങിയത്. സെക്കന്റുകള്‍ മാത്രം നീണ്ടുനിന്ന ഭൂചലനത്തിന്റെ തീവ്രത 3.3 ആണ്. പീച്ചി-വാഴാനി വനമേഖലയ്ക്കുള്ളിലാണ് പ്രഭവകേന്ദ്രം. പീച്ചി വനഗവേഷണ കേന്ദ്രത്തില്‍നിന്ന് 9.8 കിലോമീറ്റര്‍ അകലെയാണിത്.