കാബൂള്‍: അഫ്ഗാനിസ്ഥാന്‍ താലിബാന്‍ പിടിച്ചെടുത്തതിനുശേഷം രാജ്യത്ത് സംഘര്‍ഷം കനക്കുന്നു. അസാദാബാദില്‍ താലിബാനെതിരായ പ്രതിഷേധത്തിന് നേരെയുണ്ടായ വെടിവെപ്പില്‍ രണ്ട് പേര്‍ മരിച്ചു. കറുപ്പ്, ചുവപ്പ്, പച്ച നിറങ്ങളിലുള്ള അഫ്ഗാന്‍ പതാക ഉയര്‍ത്തിയാണ് താലിബാന്‍ വിരുദ്ധ നിലപാടുകാര്‍ പ്രതിഷേധമുയര്‍ത്തിയത്. സ്ത്രീകളടക്കം പ്രതിഷേധത്തില്‍ പങ്കെടുത്തു. ഇതിന് നേരെയാണ് വെടിവെപ്പുണ്ടായത്. മരിച്ചവരില്‍ ഒരാള്‍ പതാകയേന്തിയ സ്ത്രീയാണ്. രാജ്യത്തെ സ്ഥിതിഗതികള്‍ ഗുരുതരമാണെന്നും മരണ സംഖ്യ ഇനിയും ഉയര്‍ന്നേക്കുമെന്നാണ് വാര്‍ത്താ ഏജന്‍സി റിപ്പോര്‍ട്ട് ചെയ്യുന്നത്.