തിരുവനന്തപുരം: കൊവിഡ് പ്രതിസന്ധികള്‍ക്കിടയില്‍ സംസ്ഥാനത്ത് വെള്ളിയാഴ്ച ഉത്രാടപ്പാച്ചില്‍. ആശങ്കകളെ അതിജീവിച്ചുള്ള ഓണാഘോഷത്തിനായി വിപണി സജീവമാകുമെന്നാണ് പ്രതീക്ഷ. ഇന്നലെയും നഗര, ഗ്രാമ വ്യത്യാസമില്ലാതെ എല്ലായിടത്തും തിരക്ക് അനുഭവപ്പെട്ടു.
നിയന്ത്രണങ്ങളില്‍ ഇളവുള്ളതിനാല്‍, കൊവിഡ് കാലത്തുണ്ടായ സാമ്പത്തിക പ്രതിസന്ധിക്ക് ഓണക്കാലത്തോടെ ആശ്വാസം ലഭിക്കുമെന്ന പ്രതീക്ഷ വ്യാപാരികള്‍ക്കുണ്ട്. കൊവിഡ് പ്രോട്ടോക്കോള്‍ കര്‍ശനമായി പാലിക്കണമെന്ന് എല്ലാ സ്ഥാപനങ്ങള്‍ക്കും തദ്ദേശ സ്ഥാപനങ്ങളും ആരോഗ്യവകുപ്പും കര്‍ശന നിര്‍ദേശം നല്‍കിയിട്ടുണ്ട്. ആള്‍ക്കൂട്ടം നിയന്ത്രിക്കാന്‍ പൊലിസും രംഗത്തുണ്ട്. ഓണാഘോഷം വീടുകള്‍ക്കുള്ളില്‍ ആണെങ്കിലും മുന്‍കരുതലുകള്‍ മറക്കരുതെന്ന് ആരോഗ്യവകുപ്പ് അറിയിച്ചിട്ടുണ്ട്.