തമിഴ്‌നാട്ടിലെ വാഹനാപകടത്തില്‍ 2 മലയാളി യുവാക്കള്‍ക്ക് ദാരുണാന്ത്യം; 3 പേര്‍ക്ക് പരുക്ക്

ചെന്നൈ: തമിഴ്‌നാട് കൃഷ്ണഗിരി ജില്ലയിലെ പോലുപള്ളിയിലുണ്ടായ വാഹനാപകടത്തില്‍ 2 മലയാളികള്‍ക്ക് ദാരുണാന്ത്യം. കൃഷ്ണഗിരി-ബംഗളുരു ദേശീയപാതയിലുണ്ടായ അപകടത്തിലാണ് അടൂര്‍ സ്വദേശികളായ സന്ദീപ്, അമന്‍ എന്നിവര്‍ക്ക് ജീവന്‍ നഷ്ടപ്പെട്ടത്. നിര്‍ത്തിയിട്ട ലോറിക്ക് പിന്നിലേക്ക് ഇവര്‍ സഞ്ചരിച്ച കാര്‍ ഇടിച്ചുകയറുകയായിരുന്നു.

അപകടത്തില്‍ 3 പേര്‍ക്ക് പരുക്കേറ്റു. ഇവരില്‍ റിയാസ് എന്നയാളുടെ നില ഗുരുതരമാണ്. ബംഗളൂരുവിലെ സ്വകാര്യ സ്ഥാപനത്തില്‍ ജീവനക്കാര്‍ ആണ് ഇവര്‍. കേരളത്തില്‍ നിന്ന് തിരികെ പോകുമ്പോഴാണ് അപകടം ഉണ്ടായത്.

മൃതദേഹങ്ങള്‍ കൃഷ്ണഗിരി മെഡിക്കല്‍ കോളജ് ആശുപത്രി മോര്‍ച്ചറിയിലേക്ക് മാറ്റി. ബന്ധുക്കളെത്തിയതിനുശേഷം പോസ്റ്റ്‌മോര്‍ട്ടം പൂര്‍ത്തിയാക്കി വിട്ടുകൊടുക്കും.