ദുബൈ: കേന്ദ്ര പെട്രോളിയം മന്ത്രി ഹര്‍ദീപ് സിങ് പുരി അബൂദബിയിലെത്തി. 2023 ഫെബ്രുവരിയില്‍ ഇന്ത്യയില്‍ നടക്കുന്ന ഇന്ത്യ എനര്‍ജി വീക്കില്‍ പങ്കെടുക്കാന്‍ ഒപെക് സെക്രട്ടറി ജനറല്‍ ഹൈതം അല്‍ ഗൈസിനെ ക്ഷണിച്ചതായി അദ്ദേഹം അറിയിച്ചു. ഹൈതം അല്‍ ഗൈസുമായി മന്ത്രി കൂടിക്കാഴ്ച നടത്തി. അബൂദബിയില്‍ നടക്കുന്ന ആഗോള പ്രദര്‍ശനമായ അഡിപെക് മന്ത്രി സന്ദര്‍ശിച്ചു. നഗരിയിലെ ഇന്ത്യന്‍ പവിലിയന്‍ അദ്ദേഹം ഉദ്ഘാടനം ചെയ്തു.