ഇരുചക്ര വാഹനങ്ങളുടെ ചരിത്രത്തില്‍ നിര്‍ണായകമായ ഒരു തീരുമാനവുമായി രംഗത്തെത്തതിയിരിക്കുകയാണ് ജാപ്പനീസ് വാഹന നിര്‍മ്മാതാക്കളായ കവസാക്കി. ലോകത്തിലെ തന്നെ ആദ്യത്തെ ഹൈബ്രിഡ് മോട്ടോര്‍ സൈക്കിളുമായി രംഗത്ത് വന്നിരിക്കുകയാണ്.2023 EICMA ഇവന്റില്‍ വച്ചാണ് 2024 കവസാക്കി നിഞ്ച 7 എന്ന ഹൈബ്രിഡ് മോട്ടോര്‍സൈക്കിള്‍ കമ്പനി അവതരിപ്പിക്കുമെന്ന തരത്തില്‍ നേരത്തെ അഭ്യൂഹങ്ങള്‍ പുറത്ത് വന്നിരുന്നു. എന്നാല്‍ കവസാക്കിയിപ്പോള്‍ പ്രസ്തുത ബൈക്ക് പൂര്‍ണമായി പ്രദര്‍ശിപ്പിച്ചിരിക്കുകയാണ്.

മികച്ച ഡിസൈനിലാണ് ലോകത്തിലെ ആദ്യ ഹൈബ്രിഡ് ബൈക്കിന് കവസാക്കി രൂപം കൊടുത്തിരിക്കുന്നത്.സ്പ്ലിറ്റ് ഹെഡ്‌ലൈറ്റ് സെറ്റപ്പ് പോലുള്ള സാധാരണ കവാസാക്കി സ്‌റ്റൈലിങ് ഫീച്ചറുകള്‍ ഈ ബൈക്കിലും കമ്പനി അവതരിപ്പിച്ചിട്ടുണ്ട്.
സ്‌കുലാറായ ഫ്യൂവല്‍ ടാങ്ക്, ഷാര്‍പ്പ് ആയ ബോഡി ലൈനുകള്‍, സ്‌പോര്‍ട്ടി സ്പ്ലിറ്റ് സീറ്റ് മുതലായവ ബൈക്കിന്റെ സവിശേഷതകളാണ്.

451 സിസി ലിക്വിഡ്കൂള്‍ഡ് പാരലല്‍ട്വിന്‍ എഞ്ചിനില്‍ പുറത്തിറങ്ങുന്ന വാഹനത്തിന് 48V ലിഥിയംഅയണ്‍ ബാറ്ററിയുടെ കരുത്തില്‍ പ്രവര്‍ത്തിക്കുന്ന 9 kW ഇലക്ട്രിക് മോട്ടോറും കമ്പനി നല്‍കിയിട്ടുണ്ട്.48V ലിഥിയംഅയണ്‍ ബാറ്ററിയുടെ കരുത്തില്‍ പ്രവര്‍ത്തിക്കുന്ന 9 kW ഇലക്ട്രിക് മോട്ടോറും കമ്പനി നല്‍കിയിട്ടുണ്ട്.

2024 ജനുവരിയിലായിരിക്കും ആദ്യ ഹൈബ്രിഡ് ബൈക്കായ നിന്‍ജ 7 മോഡലിന്റെ ലോഞ്ച് കവസാക്കി നടത്തുക. യൂറോപ്യന്‍ വിപണിയില്‍ ആദ്യ ഘട്ടത്തില്‍ അവതരിപ്പിക്കുന്ന ഈ ബൈക്ക് ഇന്ത്യന്‍ മാര്‍ക്കറ്റിലെത്തുമോ എന്നതിനെക്കുറിച്ച് സ്ഥിരീകരിക്കപ്പെട്ട റിപ്പോര്‍ട്ടുകളൊന്നും പുറത്ത് വന്നിട്ടില്ല.

Content Highlights:2024 kawasaki ninja 7 hybrid bike details