ഗുവാഹത്തി: ഐ.എസ്.എല്ലിൽ തുടർച്ചയായ പരാജയങ്ങൾക്ക് ശേഷം ഒരുജയത്തിൽ കുറഞ്ഞതൊന്നും മഞ്ഞപ്പടക്ക് ചിന്തിക്കാൻ പോലും പറ്റുന്നില്ല. ആദ്യ മത്സരത്തിൽ ഈസ്റ്റ് ബംഗാളിനെതിരെ മിന്നും ജയം നേടിയാണ് തുടക്കം. എന്നാൽ പിന്നീട് നടന്ന മൂന്നുകളിയും തോറ്റു. എ.ടി.കെ മോഹൻ ബഗാനോട് 5-2 ന് തോറ്റപ്പോൾ ഒഡീഷയോട്  2-1 നായിരുന്നു. നാലാം മത്സരത്തിൽ 2-0 ന് മുംബൈ എഫ്.സിയോടായിരുന്നു തോൽവി. പട്ടികയിൽ അവസാന സ്ഥാനത്തുള്ള നോർത്ത് ഈസ്റ്റിനെ തോൽപ്പിച്ച് ടൂർണമെന്റിലേക്ക് തിരിച്ചെത്താനായിരിക്കും ബ്ലാസ്റ്റേഴ്സിന്റെ ലക്ഷ്യം.

നാഗന്മാരുടെ നാട്ടിൽ അവരുടെ സ്വന്തം ടീമായ നോർത്ത് ഈസ്റ്റ് യുണൈറ്റഡുമായി വൈകിട്ട് 7.30നാണ് ബ്ലാസ്റ്റേഴ്‌സിന്റെ മത്സരം. സീസണിൽ ഇതുവരെ വിജയിച്ചിട്ടില്ലാത്ത നോർത്ത് ഈസ്റ്റ് 4 കളികളിലെ സമ്പൂർണ തോൽവിയുടെ വേദന മറക്കുകയെന്നതാണ് ലക്ഷ്യമിടുന്നത്. പോയിന്റ് പട്ടികയിലെ അവസാന സ്ഥാനക്കാർ എന്ന ചീത്തപ്പേര് മാറ്റണമന്ന വാശിയും അവർക്കുണ്ട്.

ഇതിനകം 3 ഗോളുകൾ സ്വന്തം പേരിൽ കുറിച്ച ഇവാൻ കല്യൂഷ്‌നി തന്നെ ടീമിന്റെ കുന്തമുന. അഡ്രിയൻ ലൂണയ്‌ക്കൊപ്പം മലയാളി താരങ്ങളായ കെ.പി. രാഹുലും സഹൽ അബ്ദുൽ സമദും ഉത്സാഹം തുടർന്നാൽ ബ്ലാസ്റ്റേഴ്‌സ് വിജയവഴിയിൽ തിരിച്ചെത്തും

നാല് മത്സരങ്ങളിൽ നിന്ന് മൂന്ന് ജയവും ഒരു സമനിലയുമുള്ള ഹൈദരാബാദ് എഫ്.സിയാണ് 10 പോയിന്റുമായി പട്ടികയിൽ ഒന്നാമത്.

Kerala Blasters vs NorthEast United FC Match Update