ബംഗളൂരു: കര്‍ണാടകയില്‍ പ്രതിദിന കൊവിഡ് ബാധിതരുടെ എണ്ണത്തില്‍ കുറവുണ്ടായതോടെ സ്‌കൂളുകള്‍ തുറന്നു. ഒന്‍പതാം ക്ലാസ് മുതല്‍ പ്രീ യൂനിവേഴ്‌സിറ്റി വരെയുള്ള ക്ലാസുകളാണ് തുടങ്ങിയത്. ടി.പി.ആര്‍ രണ്ട് ശതമാനത്തിന് മുകളിലുള്ള ജില്ലകളില്‍ സ്‌കൂളുകള്‍ തുറന്നിട്ടില്ല. 

കൊവിഡ് മാനദണ്ഡം പാലിച്ച് ഒന്നിടവിട്ട ദിവസങ്ങളിലാണ് സ്‌കൂളുകള്‍ പ്രവര്‍ത്തിക്കുക. കൊവിഡിന്റെ മൂന്നാം തരംഗം പ്രതിരോധിക്കുമെന്നും മുന്‍കരുതല്‍ സ്വീകരിച്ചതായും മുഖ്യമന്ത്രി ബസവരാജ് ബൊമ്മെ പറഞ്ഞു. കഴിഞ്ഞ മാസം കര്‍ണാടകയില്‍ കോളജുകള്‍ തുറന്നിരുന്നു.