അമ്പലപ്പുഴ: സ്വകാര്യബസിടിച്ച് സ്‌കൂട്ടറില്‍ സഞ്ചരിച്ച ദമ്പതികള്‍ക്ക് പരുക്ക്. അമ്പലപ്പുഴ കരുമാടി ശ്രീവിലാസത്തില്‍ ശ്രീധരപ്പണിക്കരുടെ മകന്‍ രാജീവ്(34), ഭാര്യ രേവതി(24) എന്നിവര്‍ക്കാണ് പരുക്കേറ്റത്. ദേശീയപാതയില്‍ അമ്പലപ്പുഴ ഇരട്ടകുളങ്ങരക്ക് സമീപം ഇന്നലെ മൂന്ന് മണിയോടെയായിരുന്നു അപകടം. വടക്കുഭാഗത്തുനിന്നെത്തിയ നൈനാസ് എന്ന സ്വകാര്യബസ് അശ്രദ്ധമായി തിരിക്കുന്നതിനിടെ തെക്ക് ഭാഗത്തുനിന്നുവന്ന രാജീവ് ഓടിച്ചിരുന്ന സ്‌കൂട്ടറില്‍ ഇടിക്കുകയായിരുന്നു.
അപകടത്തില്‍ വലതുകാലിന് ഗുരുതര പരുക്കേറ്റ രേവതിയെ ആലപ്പുഴ മെഡിക്കല്‍ കോളജ് ആശുപത്രിയിലും തുടര്‍ന്ന് എറണാകുളത്തെ സ്വകാര്യ ആശുപത്രിയിലേക്കും മാറ്റി.