ന്യൂഡല്‍ഹി: ഇന്ത്യയില്‍ നിന്നുള്ള യാത്രക്കാര്‍ക്ക് ഓണ്‍- അറൈവല്‍ വിസ നല്‍കുന്നത് തല്‍ക്കാലത്തേക്ക് നിര്‍ത്തിവച്ച് യു.എ.ഇ. ഇന്ത്യയില്‍ രണ്ടാഴ്ചയില്‍ കൂടുതല്‍ താമസിച്ച് യു.എ.ഇയില്‍ എത്തുന്നവര്‍ക്കും നിയന്ത്രണം ബാധകമാവും.

ട്വിറ്ററില്‍ ഉന്നയിച്ച സംശയത്തിന് യു.എ.ഇയുടെ ഇത്തിഹാദ് എയര്‍വെയ്‌സ് നല്‍കിയ മറുപടിയിലാണ് ഇക്കാര്യം വ്യക്തമാക്കിയത്. കൂടുതല്‍ വിവരങ്ങള്‍ തങ്ങളുടെ വെബ്‌സൈറ്റില്‍ കൊടുക്കുമെന്നും ഇത്തിഹാദ് വ്യക്തമാക്കി.

ശ്രീലങ്ക, ബംഗ്ലാദേശ്, പാകിസ്താന്‍, നേപ്പാള്‍, അഫ്ഗാനിസ്ഥാന്‍, ദക്ഷിണാഫ്രിക്ക, ഉഗാണ്ട, നമീബിയ തുടങ്ങിയ രാജ്യങ്ങള്‍ക്കും നിയന്ത്രണം ബാധകമാണ്.