മലപ്പുറം: എസ്.എസ്.എല്‍.സി പൂര്‍ത്തിയാക്കിയ പെണ്‍കുട്ടികള്‍ക്കായി സമസ്ത സംവിധാനിച്ച സമന്വയ വിദ്യാഭ്യാസ സംരംഭമായ ഫാളില, ഫളീല കാലഘട്ടത്തിന്റെ അനിവാര്യതയാണെന്ന് സമസ്ത കേരള ഇസ്‌ലാംമത വിദ്യാഭ്യാസ ബോര്‍ഡ് ജനറല്‍ സെക്രട്ടറിയും സമസ്ത വിമന്‍സ് ഇസ്‌ലാമിക് ആര്‍ട്‌സ് കോളജ് സമിതി ചെയര്‍മാനുമായ എം.ടി. അബ്ദുല്ല മുസ്‌ലിയാര്‍. 

വെളിമുക്ക് ക്രസന്റ് ബോര്‍ഡിങ് മദ്‌റസയില്‍ ചേര്‍ന്ന സമസ്ത ഫാളില, ഫളീല മാനേജ്‌മെന്റ് മീറ്റ് ഉദ്ഘാടനം ചെയ്യുകയായിരുന്നു അദ്ദേഹം. 12ഓളം സ്ഥാപന മാനേജ്‌മെന്റ് പ്രതിനിധികള്‍ പങ്കെടുത്ത സംഗമത്തില്‍ ഡോ. ബഹാഉദ്ദീന്‍ മുഹമ്മദ് നദ്‌വി അധ്യക്ഷനായി.  സമസ്ത വിദ്യാഭ്യാസ ബോര്‍ഡ് മാനേജര്‍ കെ. മോയിന്‍കുട്ടി മാസ്റ്റര്‍ ചര്‍ച്ചകള്‍ ക്രോഡീകരിച്ചു. സമസ്ത വിമന്‍സ് കോളജ് സമിതി അംഗങ്ങളായ ഉമര്‍ ഫൈസി മുക്കം, അബ്ദുല്‍ ഹമീദ് ഫൈസി അമ്പലക്കടവ്, ഡോ. എന്‍.എ.എം അബ്ദുല്‍ ഖാദര്‍, മൊയ്തീന്‍ ഫൈസി പുത്തനഴി, അബ്ദുല്ല മാസ്റ്റര്‍ കോട്ടപ്പുറം ചര്‍ച്ചയില്‍ പങ്കെടുത്തു. സമിതി കണ്‍വീനര്‍ അബ്ദുസ്സമദ് പൂക്കോട്ടൂര്‍ സ്വാഗതവും കോ-ഓര്‍ഡിനേറ്റര്‍ കബീര്‍ ഫൈസി ചെമ്മാട് നന്ദിയും പറഞ്ഞു.