പെരുമ്പാവൂര്‍: വിജിലന്‍സ് ചമഞ്ഞു കവര്‍ച്ച നടത്തിയ കേസില്‍ കോടതിയില്‍ ഹാജരാക്കിയ രണ്ട് പ്രതികളെ കൂടുതല്‍ അന്വേഷണങ്ങള്‍ക്കായി പൊലിസ് കസ്റ്റഡിയില്‍ വാങ്ങി. കഴിഞ്ഞ ആഴ്ചയിലാണ് പട്ടാപ്പകല്‍ പെരുമ്പാവൂരിലെ ഒരു വീട്ടല്‍ നിന്നും വിജിലന്‍സ് ഉദ്യോഗസ്ഥര്‍ ചമഞ്ഞ് വന്‍ കവര്‍ച്ച നടത്തിയത്.
പ്രധാന പ്രതികളായ കണ്ണൂര്‍ താഴകത്ത് അബ്ദുല്‍ ഹാലിം(39) മലപ്പുറം പൊന്നാനി തണ്ണി തുറക്കല്‍ ഷംനാദ് (27)എന്നിവരെയാണ് കോടതി പൊലിസ് കസ്റ്റഡിയില്‍വിട്ടത്. സംഭവം ആസൂത്രണം ചെയ്ത മൂന്നു പേര്‍ അന്വേഷണത്തിന്റെ ഭാഗമായി പൊലിസ് കസ്റ്റഡിയിലുണ്ട്. റൂറല്‍ എസ്.പി പി.എന്‍ ഉണ്ണിരാജ ഡിവൈ.എസ്.പി എസ് സുദര്‍ശന്‍, സി.ഐ .ബൈജു പൗലോസ് എസ്.ഐ ഫൈസല്‍ എന്നിവരുടെ നേത്യത്വത്തിലുള്ള സംഘമാണ് കേസ് അന്വേഷിക്കുന്നത്.
40 പവന്‍ സ്വര്‍ണവും 25000 രൂപയുമാണ് പ്രതികള്‍ കവര്‍ച്ച നടത്തിയത്. കേസില്‍ മൊത്തം 14 പ്രതികളാണുള്ളത്. ഇതില്‍ അഞ്ചു പേരെ ഇതിനോടകം അറസ്റ്റ് ചെയ്തു. തടിയന്റവിട നസീറിന്റെ കൂട്ടാളികളാണ് പിടിയിലായ ഹാലിമും ഷംനാദും.