കൊച്ചി: ഓള്‍ കേരളാ ഹോമിയോപ്പതിക് ഡീലേഴ്‌സ് അസോസിയേഷന്റെ എട്ടാമത് വാര്‍ഷിക സമ്മേളനവും ബിസിനസ് മീറ്റും ഇന്നും നാളെയുമായി അങ്കമാലിയില്‍ നട്ക്കും.
റെയില്‍വേ സ്‌റ്റേഷന് എതിര്‍വശത്തുള്ള ഹോട്ടല്‍ ജി ബി പാലസില്‍ രാവിലെ 10ന് ഹൈക്കോടതി ജസ്റ്റിസ് കമാല്‍ പാഷ ഉദ്ഘാടനം ചെയ്യും. അങ്കമാലി എം എല്‍ എ റോജി എം ജോണ്‍ അ്ദ്ധ്യക്ഷത വഹിക്കും. ഇന്ത്യയിലെ ഹോമിയോ മരുന്ന് നിര്‍മാതാക്കളും പ്രതിനിധികളും കേരളത്തിലെ ഡീലര്‍മാരും പങ്കെടുക്കും.
ഹോമിയോ ചികിത്സ സമ്പ്രദായത്തിന്റെ സാധ്യതകള്‍ ജനങ്ങളിലേക്കെത്തിക്കും വിധം ബോധവത്ക്കരണ ക്ലാസുകളും സൗജന്യ മെഡിക്കല്‍ ക്യാമ്പുകളും ഉള്‍പ്പെടെ വിവിധങ്ങളായ പ്രവര്‍ത്തന പരിപാടികളുമായി എ.കെ.എച്ച്.ഡി.എ മുന്നോട്ടു പോകും.
ഡ്രഗ്‌സ് ലൈസന്‍സും സെയില്‍ ടാക്‌സ് രജിസ്‌ട്രേഷനുമില്ലാതെ അനധികൃതമായി ഹോമിയോ മരുന്ന് വ്യാപാരം നടത്തുന്നവര്‍ക്കെതിരെ സര്‍ക്കാര്‍ നടപടി സ്വീകരിക്കണമെന്നും അദ്ദേഹം പറഞ്ഞു.വാര്‍ത്താ സമ്മേളനത്തില്‍ എ.കെ.എച്ച്.ഡി.എ സംസ്ഥാന പ്രസിഡന്റ് ഡോ. സുനില്‍ ഈശി, ജനറല്‍ സെക്രട്ടരി രാജീവ് പി.ജി, ജില്ലാ പ്രസിഡന്റ് ബിനോയ് കുമാര്‍ പങ്കെടുത്തു.