ഖത്തറിൽ ഇന്നും നാളെയും മഴയ്ക്ക് സാധ്യതയെന്ന് കാ​ലാ​വ​സ്ഥാ​ വി​ഭാ​ഗം

ദോ​ഹ: അത്യുഷ്ണത്തിൽ വലഞ്ഞിരുന്ന ഖത്തർ നിവാസികൾക്ക് ആശ്വാസമായി മഴയെത്തുന്നു. ബു​ധ​ൻ, വ്യാ​ഴം ദി​വ​സ​ങ്ങ​ളി​ൽ കാ​റ്റും, ഇ​ടി​യോ​ടു​കൂ​ടി​യ മ​ഴ​യും പ്ര​തീ​ക്ഷി​ക്കാ​മെ​ന്ന് കാ​ലാ​വ​സ്ഥാ​ വി​ഭാ​ഗം മു​ന്ന​റി​യി​പ്പ് ന​ൽ​കി. ക​ഴി​ഞ്ഞ ദി​വ​സ​ങ്ങ​ളി​ൽ രാ​ജ്യ​ത്തി​ന്റെ വി​വി​ധ മേ​ഖ​ല​ക​ളി​ൽ അ​ന്ത​രീ​ക്ഷം മേ​ഘാ​വൃ​ത​മാ​യി​രു​ന്നു. ഇതിന് പിന്നാലെയാണ് രണ്ട് ദിവസത്തെ മഴ സാധ്യത പ്രവചിക്കുന്നത്.

ഖത്തറിലെ കാലാവസ്ഥ ചൂട് കാലത്തിൽ നിന്നും ഏറെ മാറ്റം വന്ന അവസ്ഥയാണ് നിലവിൽ ഉള്ളത്. നിലവിൽ രാത്രികളിൽ തണുപ്പിലേക്ക് മാറിക്കൊണ്ടിരിക്കുന്നതിന് പിന്നാലെയാണ് മഴയുമെത്തുന്നത്. മ​ഴ​ക്കാ​ല​ത്തി​ന്‍റെ വ​ര​വ് അ​റി​യി​ച്ച് അ​ൽ വ​സ്മി സീ​സ​ൺ ഖത്തറിൽ ആരംഭിച്ചു. അതിനാൽ വ​രും ദി​വ​സ​ങ്ങ​ളിലും രാ​ജ്യ​ത്തി​ന്റെ വി​വി​ധ മേ​ഖ​ല​ക​ളി​ൽ മ​ഴ​പെ​യ്തേ​ക്കാ​മെ​ന്ന് ഖ​ത്ത​ർ കാ​ലാ​വ​സ്ഥാ​വി​ഭാ​ഗം അ​റി​യി​ച്ചു. 52 ദി​വ​സം നീ​ണ്ടു​നി​ൽ​ക്കു​ന്ന അ​ൽ വ​സ്മി ഡി​സം​ബ​ർ ആ​റു​വ​രെയാണ് ഉണ്ടാവുക.

അതേസമയം, ക​ഴി​ഞ്ഞ ദി​വ​സ​ങ്ങ​ളി​ൽ പ​ക​ലി​ലെ​യും രാ​ത്രി​യി​ലെ​യും അ​ന്ത​രീ​ക്ഷ താ​പ​നി​ല കു​റ​ഞ്ഞ​നി​ല​യി​ലാ​ണ് രേ​ഖ​പ്പെ​ടു​ത്തി​യ​ത്. പ​ക​ൽ സ​മ​യ​ങ്ങ​ളി​ൽ 37 ഡി​ഗ്രി​യാ​യി​രു​ന്നു ഏ​റ്റ​വും ഉ​യ​ർ​ന്ന ചൂ​ട്.