പാലക്കാട് കുഴൽമന്ദത്ത് ഒരു കുടുംബത്തിലെ മൂന്നു പേർ തൂങ്ങി മരിച്ച നിലയിൽ

പാലക്കാട്: പാലക്കാട് കുഴൽമന്ദത്ത് ഒരു കുടുംബത്തിലെ മൂന്നു പേരെ തൂങ്ങി മരിച്ച നിലയിൽ കണ്ടെത്തി. മൂത്താട്ടുപറമ്പ് സുന്ദരന്റെ മകൾ സിനില (42), മകൻ രാേഹിത് (19), സുനിലയുടെ ചേച്ചിയുടെ മകൻ സുബിൻ (23) എന്നിവരെയാണ് വീട്ടിനുള്ളിൽ തൂങ്ങിമരിച്ച നിലയിൽ കണ്ടെത്തിയത്. മൃതദേഹങ്ങൾ ജില്ലാ ആശുപത്രിയിലേക്കു മാറ്റി. ആത്മഹത്യയാണെന്നാണ് പ്രാഥമിക നിഗമനം.

കുഴൽമന്ദം ആലിങ്കലിൽ ആണ് സംഭവമുണ്ടായത്. മരിച്ച കുടുംബത്തിന് ബാങ്ക് ലോണും അസുഖങ്ങളും ഉള്ളായിരുന്നതായാണ് റിപ്പോർട്ടുകൾ പുറത്തുവരുന്നത്. ഇതാണോ ആത്മഹത്യയിലേക്ക് നയിച്ചതെന്ന് പൊലിസ് പരിശോധിച്ച് വരികയാണ്.