സ്‌കൂള്‍ കായിക മേളയില്‍ ലോങ് ജമ്പിനിടെ വിദ്യാര്‍ഥിയുടെ കഴുത്തിന് പരുക്ക്

തൃശ്ശൂര്‍: കുന്നംകുളത്ത് നടക്കുന്ന സംസ്ഥാന സ്‌കൂള്‍ കായികമേളക്കിടെ ലോങ് ജംപ് മത്സരത്തിനിടെ വിദ്യാര്‍ഥിയുടെ കഴുത്തിന് ഗുരുതര പരുക്കേറ്റു. പരുക്കേറ്റ വിദ്യാര്‍ഥിയെ മെഡിക്കല്‍ കോളജിലേക്ക് മാറ്റി. വയനാട്ടിലെ കാട്ടിക്കുളം ഗവ. എച്ച്.എസ്.എസിലെ വിദ്യാര്‍ഥി മുഹമ്മദ് സിനാനാണ് ലോങ് ജംപ് മത്സരത്തിനിടെ പരുക്കേറ്റത്. ചാടുന്നതിനിടെ സിനാന്‍ കഴുത്ത് കുത്തി വീഴുകയായിരുന്നു.

ഇന്ന് രാവിലെ ജൂനിയര്‍ വിഭാഗം ആണ്‍കുട്ടികളുടെ ലോങ് ജമ്പ് മത്സരത്തിനിടൊണ് സംഭവം. ചാട്ടം കഴിഞ്ഞ ഉടനെയാണ് ബാലന്‍സ് തെറ്റി മുഹമ്മദ് സിനാന്‍ കഴുത്തുകുത്തി വീണത്.