പുതിയ ഫീച്ചറുമായി വാട്‌സ്ആപ്പ്

വാട്‌സ്ആപ്പ് ഉപയോഗിക്കുന്നത് ഇനി കൂടുതല്‍ ഈസിയാകും. ഉപയോക്താക്കള്‍ക്ക് സൗകര്യപ്രദമായ ഫീച്ചറുകള്‍ അവതരിപ്പിക്കുന്ന തിരക്കിലാണ് വാട്‌സ്ആപ്പ്.ഒറ്റ ക്ലിക്കില്‍ മൈക്രോഫോണില്‍ നിന്ന് കാമറയിലേക്ക് സ്വിച്ച് ചെയ്യാം.അതായത് ഓഡിയോ സന്ദേശത്തിന് ഉപയോഗിക്കുന്ന മൈക്രോഫോണില്‍ നിന്ന് ഇന്‍സ്റ്റന്റ് വീഡിയോ സന്ദേശത്തിന് ഉപയോഗിക്കുന്ന കാമറ ഐക്കണിലേക്ക് ഒറ്റ ക്ലിക്കില്‍ മാറാന്‍ കഴിയുന്നതാണ് ക്രമീകരണം.

നിലവിലുള്ള ഇന്സ്റ്റന്റ് വീഡിയോ മെസേജിങ് ഫീച്ചറിനെതിരേ നിരവധി പരാതികള്‍ ഉയര്‍ന്ന സാഹചര്യത്തിലാണ് പുതിയ നീക്കം. പരീക്ഷണാടിസ്ഥാനത്തില്‍ അവതരിപ്പിച്ച ഫീച്ചര്‍ വരും ദിവസങ്ങളില്‍ എല്ലാവരിലേക്കും എത്തിക്കുമെന്നാണ് റിപ്പോര്‍ട്ടുകള്‍.

നിലവിലുള്ള ഇന്‍സ്റ്റന്റ് വീഡിയോ മെസേജിങ് ഫീച്ചര്‍ കാര്യക്ഷമമല്ല എന്നാണ് ആക്ഷേപം. ഉപയോക്താവ് തന്നെ ഇത് എനേബിള്‍ ചെയ്ത് വെയ്ക്കണമെന്നതാണ് പരാതികള്‍ക്ക് ഇടയാക്കുന്നത്. എല്ലാവര്‍ക്കും ഇതിനെ കുറിച്ച് അറിയില്ല. അതിനാല്‍ ഇന്‍സ്റ്റന്റ് വീഡിയോ മെസേജിങ് ഫീച്ചര്‍ കാര്യക്ഷമമായി ഉപയോഗിക്കാന്‍ കഴിയുന്നില്ലെന്നാണ് പരാതികളില്‍ പറയുന്നത്.