ചെറുതോണി: ഇഷ്ടമുള്ളപ്പോള്‍ പോകാനും ഇഷ്ടമുള്ളപ്പോള്‍ തിരിച്ചുവരാനും ആര്‍ക്കും കഴിയുന്ന പെരുവഴി അമ്പലമാണ് കോണ്‍ഗ്രസ്സ് എന്ന് ആരും കരുതേണ്ടെന്ന് പി റ്റി തോമസ് എം എല്‍ എ പറഞ്ഞു. ഇടുക്കി തങ്കമണിയില്‍ കോണ്‍ഗ്രസ്സ് മണ്ഡലം പ്രസിഡന്റായിരുന്ന തങ്കച്ചന്‍ കല്ലന്‍മാക്കലിന്റെ കുടുംബ സഹായ നിധി വിതരണം ചെയ്തു സംസാരിക്കുകയായിരുന്നു പി റ്റി തോമസ്.
ദേശീയതലത്തിലും സംസ്ഥാനതലത്തിലും കോണ്‍ഗ്രസ്സിന് അല്‍പം ക്ഷീണം തട്ടിയെന്ന് സംശയിക്കുന്ന ചിലര്‍ കൂടുവിട്ടു കൂടുമാറുവാന്‍ ശ്രമിക്കുന്നത് കാണുമ്പോള്‍ കോണ്‍ഗ്രസ്സ് നേതൃത്വം ഭയപ്പെടില്ല. സോണിയ ഗാന്ധി, രാഹുല്‍ ഗാന്ധി, എ കെ ആന്റണി എന്നിവര്‍ ദേശീയതലത്തിലും ഉമ്മന്‍ചാണ്ടി, വി എം, സുധീരന്‍, രമേശ് ചെന്നിത്തല എന്നിവരുടെ നേതൃത്വത്തിന്‍ കോണ്‍ഗ്രസ്സ് സംസ്ഥാനതലത്തിലും പ്രതിസന്ധികളെ അതിജീവിച്ച് മുന്നേറുമെന്ന് അദ്ദേഹം വ്യക്തമാക്കി. മത്തച്ചന്‍ അയ്യൂന്നിക്കല്‍ അധ്യക്ഷത വഹിച്ചു. എം എന്‍ ഗോപി, ജോയി വെട്ടിക്കുഴി, കെ ബി ശെല്‍ബം ടി എസ് ബേബി, ജോണി ചീരാംകുന്നേല്‍, അരുണ്‍ പൊടിപാറ, എസ് ടി അഗസ്റ്റിന്‍, ജോസഫ് മാണി, മനോജ് പ്രസാദ്, ബിജു നെടുംചാലില്‍ പ്രസംഗിച്ചു.