ബെർലിൻ: ഫ്രഞ്ച് സൂപ്പർ താരങ്ങളായ പോൾ പോഗ്‌ബെ, കാന്റെ എന്നിവരെ പോലെ ബയേൺ മ്യൂണിക്കിന്റെ സെനഗൽ സൂപ്പർതാരം സാദിയോ മാനെയ്ക്കും ഖത്തർ ലോകകപ്പ് നഷ്ടമായേക്കുമോ? ഫുട്‌ബോൾ ആരാധകർ പരസ്പരം ചോദിക്കുന്ന ചോദ്യമാണിത്. ജർമൻ ബുണ്ടസ് ലീഗയിൽ ബയേൺ മ്യൂണിക്കിനുവേണ്ടി കളിക്കുന്നതിനിടെയാണ് മാനെയ്ക്ക് പരിക്കുപറ്റിയത്. ഇതാണ് ഖത്തറിലെ താരത്തിന്റെ സാന്നിധ്യം സംബന്ധിച്ച് ആശങ്കയിലാക്കിയത്. അട്ടിമറി വീരൻമാരായ സെനഗലിന്റെ നെടുംതൂണാണ് മാനേ.

കാലിനാണ് പരിക്കേറ്റത്. പരിക്ക് സാരമുള്ളതാണെന്നും ലോകകപ്പിൽ കളിക്കാൻ മാനെയ്ക്ക് സാധിക്കില്ലെന്നും ബയേൺ അറിയിച്ചു. ഖത്തർ, നെതർലന്റസ്, ഇക്വഡോർ എന്നിവരാണ് സെനഗലിന്റെ ഗ്രൂപ്പിലെ എതിരാളികൾ. സെനഗലിന്റെ ടീം ഇതുവരെ പ്രഖ്യാപിച്ചിട്ടില്ല.

പ്രധാന താരം ഖത്തറിലേക്ക് വരാതിരിക്കുന്നതിൽ ഫിഫക്കും ആശങ്കയുണ്ട്. ഈ സാഹചര്യത്തിൽ പരുക്ക് ഭേദമാകുന്നതിന് ആവശ്യമായ നടപടികളെല്ലാം സ്വീകരിക്കുന്നതിന് ഫിഫ നിർദേശം നൽകിയിട്ടുണ്ട്.

താരം ഖത്തറിലേക്ക് പോകാത്തത് ഫിഫ ജനറൽ സെക്രട്ടറിയെ വേദനിപ്പിച്ചെന്നും ലോകകപ്പിനുള്ള സമയത്ത് മാനെയെ ഫിറ്റ്‌നാക്കാനുള്ള തീവ്രശ്രമത്തിലാണെന്നും ഫിഫ അധികൃതർ അറിയിച്ചു.

Senegal in despair over Mane's injury: We're going to use witch doctors, he has to be there