വൈവാ വോസി
എം.എ സംസ്‌കൃതം (ഫൈനല്‍ എസ്.ഡി.ഇ) വൈവാ വോസി സെപ്തംബര്‍ അഞ്ചിനും, നാലാം സെമസ്റ്റര്‍ (സി.യു.സി.എസ്.എസ്) ജൂണ്‍ജൂലൈ 2016 പരീക്ഷയുടെ വൈവാ വോസി ആഗസ്റ്റ് 31-നും പട്ടാമ്പി ശ്രീ നീലകണ്ഠ ഗവണ്‍മെന്റ് സംസ്‌കൃതം കോളജില്‍ നടക്കും.  
നാലാം സെമസ്റ്റര്‍ എം.എ അറബിക് (സി.യു.സി.എസ്.എസ്) വൈവാ വോസി ഓഗസ്റ്റ് 29-നും, എം.എ മലയാളം (സി.യു.സി.എസ്.എസ്) വൈവാ വോസി ഓഗസ്റ്റ് 31-നും വിവിധ കേന്ദ്രങ്ങളില്‍ ആരംഭിക്കും. വിവരങ്ങള്‍ വെബ്‌സൈറ്റില്‍.  

പരീക്ഷാഫലം
2015 ഡിസംബറില്‍ നടത്തിയ ഒന്നാം സെമസ്റ്റര്‍ എം.എ ഇസ്‌ലാമിക് സ്റ്റഡീസ്, എം.എ പൊളിറ്റിക്കല്‍ സയന്‍സ് (സി.യു.സി.എസ്.എസ്) പരീക്ഷാഫലം വെബ്‌സൈറ്റില്‍ ലഭ്യമാണ്. പുനര്‍മൂല്യനിര്‍ണയത്തിന് സെപ്തംബര്‍ ആറ് വരെ ഓണ്‍ലൈനില്‍ അപേക്ഷിക്കാം
2015 ജൂണ്‍, 2016 ജനുവരി മാസങ്ങളില്‍ നടത്തിയ എം.ഫില്‍ ഹിസ്റ്ററി ഒന്ന്, രണ്ട് സെമസ്റ്റര്‍ പരീക്ഷാഫലങ്ങള്‍ വെബ്‌സൈറ്റില്‍ ലഭ്യമാണ്.  

പുനര്‍മൂല്യനിര്‍ണയ ഫലം
അഞ്ചാം സെമസ്റ്റര്‍ ബി.കോംബി.ബി.എ (സി.സി.എസ്.എസ്) നവംബര്‍ 2015, ആറാം സെമസ്റ്റര്‍ ബി.കോംബി.ബി.എബി.എ ഓണേഴ്‌സ് (സി.സി.എസ്.എസ്) ഏപ്രില്‍ 2016 പരീക്ഷയുടെ പുനര്‍മൂല്യനിര്‍ണയ ഫലങ്ങള്‍ വെബ്‌സൈറ്റില്‍ ലഭ്യമാണ്.

ഏകജാലക ബിരുദ
പ്രവേശനം
സര്‍വകലാശാലയുടെ ഏകജാലക ബിരുദ പ്രവേശനത്തോടനുബന്ധിച്ച് നടത്തിയ സ്‌പെഷ്യല്‍ അലോട്ട്‌മെന്റിന് ശേഷമുള്ള വേക്കന്‍സി നികത്തുന്നതിനായി ഒഴിവ് റിപ്പോര്‍ട്ട് ചെയ്ത എല്ലാ കോളജുകളിലേക്കും സര്‍വകലാശാലാ റാങ്ക് ലിസ്റ്റും നിര്‍ദ്ദേശങ്ങളും ഓഗസ്റ്റ് 27-ന് ഉച്ചക്ക് അയക്കും. പ്രസ്തുത റാങ്ക് ലിസ്റ്റും ഒഴിവ് വിവരവും നിര്‍ദ്ദേശങ്ങളും ആഗസ്റ്റ് 27-ന് ഉച്ചക്ക് വെബ്‌സൈറ്റില്‍ പ്രസിദ്ധീകരിക്കും. വിദ്യാര്‍ഥികള്‍ക്ക് ഓരോ കോളജുകളിലും ഓരോ കോഴ്‌സിലും ലഭ്യമായ സീറ്റുകളുടെ ഒഴിവുവിവരം, അവരവരുടെ ഓപ്ഷനുകളിലെ റാങ്ക് എന്നിവ പരിശോധിച്ച് അഡ്മിഷന്‍ ലഭിക്കാന്‍ സാധ്യതയുള്ള കോളജുകളുമായി ബന്ധപ്പെട്ട് ഓഗസ്റ്റ് 29, 30 തിയതികളില്‍ അഡ്മിഷന്‍ എടുക്കാവുന്നതാണ്. കോളജ് അധികൃതര്‍ ഓഗസ്റ്റ് 29, 30 തിയതികളില്‍ റിപ്പോര്‍ട്ട് ചെയ്യുന്ന വിദ്യാര്‍ഥികളുടെ കോഴ്‌സ്, കാറ്റഗറി അടിസ്ഥാനത്തില്‍ ഷോര്‍ട്ട് ലിസ്റ്റ് തയ്യാറാക്കി അതത് ദിവസം ഉച്ചക്ക് ഒരു മണിക്ക് കോളജ് നോട്ടീസ് ബോര്‍ഡില്‍ പ്രസിദ്ധീകരിക്കണം.