തിരുവനന്തപുരം: കോര്‍പറേഷന്റെ വാര്‍ഷിക പദ്ധതിയില്‍ ഉള്‍പ്പെടുത്തി നിര്‍മാണം പൂര്‍ത്തീകരിച്ച പൂങ്കുളം വാര്‍ഡിലെ ഗവ. എല്‍.പി.എസ് കെട്ടിടം, ഓപണ്‍ എയര്‍ ഓഡിറ്റോറിയം എന്നിവയുടെ ഉദ്ഘാടനം മേയര്‍ വി.കെ പ്രശാന്ത് നിര്‍വഹിച്ചു. സമാനരീതിയില്‍ നഗരസഭാ പരിധിയിലെ മറ്റ് സ്‌കൂളുകളിലും ഭൗതികസാഹചര്യം ഒരുക്കുന്നതിനുള്ള സാധ്യമായ നടപടികള്‍ സ്വീകരിച്ചു വരുന്നതായി മേയര്‍ പറഞ്ഞു.
നഗരസഭ വിദ്യാഭ്യാസ സ്ഥിരം സമിതി അധ്യക്ഷന്‍ എസ് ഉണ്ണികൃഷ്ണന്‍ അധ്യക്ഷനായി. പൂങ്കുളം കൗണ്‍സിലര്‍ സി സത്യന്‍, ഡെപ്യൂട്ടി മേയര്‍ അഡ്വ. രാഖി രവികുമാര്‍, നഗരസഭ സ്ഥിരം സമിതി അധ്യക്ഷരായ കെ ശ്രീകുമാര്‍, സഫീറാ ബീഗം, കൗണ്‍സിലര്‍മാരായ അഡ്വ. ഗിരികുമാര്‍, കൃഷ്ണവേണി, ജ്യോതി സതീശന്‍ ഹെഡ്മാസ്റ്റര്‍ എസ് സത്യരൂപന്‍ പങ്കെടുത്തു.