ചെന്നൈ: തന്നെക്കുറിച്ചുള്ള വാഴ്ത്തലുകള്‍ സഭയില്‍ വേണ്ടെന്ന് തമിഴ്‌നാട് മുഖ്യമന്ത്രി എം.കെ സ്റ്റാലിന്‍ എം.എല്‍.എമാരെ താക്കീതു ചെയ്തു.
ലംഘിക്കുന്നവര്‍ക്കെതിരേ നടപടിയെടുക്കുമെന്നും സ്റ്റാലിന്‍ വ്യക്തമാക്കി. തമിഴ്‌നാട്ടില്‍ നിരവധി ജനക്ഷേമ പദ്ധതികളാണ് സ്റ്റാലിന്‍ നടപ്പാക്കുന്നത്. കഴിഞ്ഞ ദിവസം ഡി.എം.കെ എം.എല്‍.എ ജി.ഇയ്യപ്പന്‍ നിയമസഭയില്‍ മുഖ്യമന്ത്രിയെ പുകഴ്ത്തി സംസാരിച്ചിരുന്നു. ഇതിനിടെ മുഖ്യമന്ത്രി ഇടപെട്ട് തടയുകയും ചെയ്തു. ഉന്നയിക്കുന്ന വിഷയത്തെ കുറിച്ച് മാത്രം എം.എല്‍.എമാര്‍ സംസാരിച്ചാല്‍ മതിയെന്നായിരുന്നു സ്റ്റാലിന്‍ പറഞ്ഞത്. ഇതൊരു അപേക്ഷയല്ലെന്നും ഉത്തരവാണെന്നും അദ്ദേഹം പറഞ്ഞു.